Nie spynilisia represii, nie źmianilisia varunki vybaraŭ, ale troški adbyłosia štości i najpierš — heta poŭny šuchier nakont taho, što budzie zaraz z Zachadam. Kaža Vital Silicki.
Nie spynilisia represii, nie źmianilisia varunki vybaraŭ, ale troški adbyłosia štości i najpierš — heta poŭny šuchier nakont taho, što budzie zaraz z Zachadam. Kaža Vital Silicki.
Z adnaho boku, z boku Zachadu, jość peŭnaja palityčnaja zamova na narmalizacyju adnosinaŭ z aficyjnym Mienskam. Ź inšaha boku ŭsio ž taki heta jašče nie dajšło da taho, što ŭ Biełarusi buduć zapluščvać vočy, jak skažam u Azierbajdžanie z-za nafta-hazavych spraŭ. Tamu budzie abrany šlach pošuku niejkaha minimalnaha adzinaha nazoŭnika, kab znajści niejkuju hlebu dla dalejšaha dyjalohu. I heta moža być mienavita takaja abciakalnaja farmuloŭka, što vybary niedemakratyčnyja, ale prahres jość. I ŭłada ŭ peŭnym sensie na heta papracavała, asabliva zrabiŭšy dobruju karcinku dla zamiežnych naziralnikaŭ, chacia, viadoma, jany nie tupyja i cudoŭna bačać, što jość ahitacyjnyja materyjały ŭ hatelach i ich niama na vulicach, cudoŭna raźbirajucca ŭ daterminovym hałasavańni, va ŭsich inšych aspektach, ale ž viedajecie, tut jość i hieapalityčnyja čyńniki, i jość prosta stomlenaść ad Biełarusi. I tamu prosta tyja ž samyja ludzi ŭ tych ža samych umovach zaraz zaradžany na pošuk kampramisu i na pošuk niejkich, choć niejkich, minimalnych varunkaŭ dla dyjalohu.
Dla apazycyi ciapier vyklik — mianiajucca varunki. Pamiataju, kaliści Paša Sieviaryniec niejak u sercach kinuŭ apazycyi: «Vy vybirajcie pamiž saboj — vy zmahary ci achviary?» I tut sapraŭdy treba zrabić hety vybar, bo mnie zdajecca, što apazycyja spasavała akurat u tych varunkach, kali palityčny klimat u krainie troški palepšyŭsia. Nie spynilisia represii, nie źmianilisia varunki vybaraŭ, ale troški adbyłosia štości i najpierš — heta poŭny šuchier nakont taho, što budzie zaraz z Zachadam. I tut vyśviatlajecca, što apazycyja ŭ asnoŭnym zamiežnapalityčny hulec, a nia ŭnutrany. Ja tut nie kažu pra šerah vielmi aktyŭnych i vielmi zdatnych maładych ludziej, nia tolki maładych, jakija sprabujuć vycisnuć z hetych vybaraŭ apošniaje. Heta jość, heta kampanija taksama pakazała, ale ŭ cełym u apazycyi — kryzis žanru. Ciapier sytuacyja, kali Zachad moža być nia stolki pryncypovy, kołki prahmatyčny. Jano novaje dla apazycyi i tut treba ŭžo pačynać hulać u inšuju hulniu.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva1
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary