U Redakcyju «Našaj Nivy» trapili skrynšoty paviedamleńniaŭ studentam BDU, jakija im dasyłaje «kamandzir studenckaj słužby biaśpieki BDU» Maksim Šaluta.
Chłopiec pierakonvaje, što studenty musiać usialak «padtrymlivać kandytata ad BDU» — Volhu Ciesakovu. Havorycca, što za hetym «pilna sočyć prarektar», a ad vynikaŭ padtrymki zaležyć pamier finansavańnia toj samaj «studenckaj słužby biaśpieki».
«Usie vašyja studenty ŭ abaviazkovym paradku musiać schadzić 13 lutaha na vybary», — piša jon.
«Naša Niva» spytała, čamu dla Maksima Šaluty heta tak važna, ale kiraŭnik «studenckaj słužby biaśpieki» daŭ zadniuju:
«Heta [fota] ciapier vydalajecca ź sietki, i my robim usio mahčymaje, kab pazbavicca nastupstvaŭ hetaha», — skazaŭ jon.
«Kali kazać pra vybary, to heta nie toje kab… Ja kažu, što chłopcy 100% pavinny schadzić na vybary 13 lutaha, ale nichto ž nie kaža, što kali jany nie prahałasujuć u hety dzień ci nie schodziać na vybary ŭvohule, to ja budu niejkija zachady prymać. Prosta my, jak studencki aktyŭ, pavinny być uzoram dla inšych studentaŭ, zaachvočvać ich. Jasna, vybary — heta dobraachvota, ale ŭsio ž… Ja trymajusia palityki, što my, studenty, pavinny hałasavać», — dadaŭ Maksim.
My pierapytali, dyk navošta jon vydalaje fota ź sietki, kali jaho pazicyja ćviordaja.
«Ja nie mahu raskazać heta», — adrezaŭ chłopiec.
Sama kandydatka zapeŭnivaje, što dla jaje samoj heta stała niečakanaściu.
«Heta navina dla mianie! Słova «padtrymka» kožny razumieje pa-svojmu, ja ŭpeŭniena, što Maksim nie mieŭ na ŭvazie niešta kiepskaje, kali prasiŭ mianie padtrymać. Pytańnie ŭ padačy. Ja niasu adkaznaść vyklučna za svaje słovy i nie mahu traktavać i kamientavać učynki inšych ludziej», — skazała jana.
Dziaŭčyna dadała, što padtrymku z boku administracyi adčuvaje tolki ŭ vyhladzie «ciopłych słovaŭ i davieru».
22-hadovaja Volha Ciesakova maje być abranaja ŭ Minharsaviet pa Dziaržynskaj akruzie №23 jak praŭładny kandydat. Jana pracuje kultarhanizataram internataŭ Studenckaha haradka BDU. Heta budzie samy małady deputat Minharsavieta.
Čytajcie taksama: 57 kandydataŭ, jakija buduć abranyja ŭ Minharsaviet — praviercie śpis paśla vybaraŭ PRAHNOZ «NN»
Ciapier čytajuć
Voś jakoje charastvo za 40 miljonaŭ dalaraŭ pradaje siabar-trenier Łukašenki1
Voś jakoje charastvo za 40 miljonaŭ dalaraŭ pradaje siabar-trenier Łukašenki
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary