Na vyjazny pryjom da ministra abarony Andreja Raŭkova ŭ Navahrudku 17 studzienia schadzili lidary apazicyjnych arhanizacyjaŭ — Anatol Labiedźka (AHP) i Juraś Hubarevič (ruch «Za svabodu»).
Jak raspavioŭ Jeŭraradyjo Anatol Labiedźka, u razmovie ź ministram apazicyjaniery ŭźniali pa dva pytańni kožny. Lidar AHP zaprasiŭ pradstaŭnikoŭ Ministerstva abarony da ŭdziełu ŭ placoŭcy «Jeŭrapiejski dyjałoh»: na sakavik-krasavik płanujecca kruhły stoł, na jakim abmiarkujuć dziedaŭščynu ŭ vojsku.
«Hetaja prablema na siońniašni dzień adna z samych vostrych i samych aktualnych. My adsočvajem, manitorym situacyju, što zroblena Ministerstvam abarony, ale heta niejkija kropkavyja dziejańni, jakija datyčać kankretnaj terytoryi, kazarmy. A tut treba havaryć pra sistemnyja źmieny… My kazali, što tudy zaprašajem i ekśpiertaŭ ź inšych krain. I było b vielmi važna, kab sustrelisia ludzi z roznymi pohladami i pazicyjami, ale kab tam była takaja dyskusija, na vychadzie ź jakoj buduć peŭnyja dziejańni», — paviedamiŭ Anatol Labiedźka
Druhi punkt razmovy — źmieny ŭ zakanadaŭstvie. U 2017 hodzie byli ŭniesienyja źmieny ŭ vosiem zakonaŭ, kaža Labiedźka, ale jany nie datyčyli dziedaŭščyny. Jon prapanavaŭ stvaryć rabočuju hrupu, jakaja budzie kantaktavać ź Minabarony, kab viedać pazicyju viedamstva. «Kali Minabarony budzie suprać, to jasna, što nijakaha pryniaćcia zakona nie budzie», — kanstatuje apazicyjanier.
U svaju čarhu Juraś Hubarevič prapanavaŭ pravieści kruhły stoł pa historyi i pierajmienavać suvoraŭskuju vučelniu (Jak viadoma, u Biełarusi rasijski pałkavodziec Alaksandr Suvoraŭ prasłaviŭsia zadušeńniem paŭstańnia Tadevuša Kaściuški)
Taksama palityki spytalisia, ci płanujecca ŭ Biełarusi stvarać rasijskija vajskovyja bazy.
«Pa vajskovych bazach jon daŭ nam słova ministra, što nijakich płanaŭ niama, nie abmiarkoŭvajecca, što heta ŭsio insinuacyi i prydumki», — kaža sp. Labiedźka
Kamientary