Dyrektar Instytuta movaznaŭstva imia Ja. Kołasa Centra daśledavańniaŭ biełaruskaj kultury, movy i litaratury NAN Biełarusi Ihar Kapyłoŭ na pres-kanfierencyi, pryśviečanaj Mižnarodnamu dniu rodnaj movy, padzialiŭsia płanami movaznaŭcaŭ na 2018 hod, pieradaje karespandent ahienctva «Minsk-Naviny».
«My adčuvajem siońnia vostruju nieabchodnaść u stvareńni elektronnaj daviedačna-infarmacyjnaj słužby Pravapis.baj na ŭzor rasijskaha partała Hramota.ru dla papularyzacyi rodnaj movy», — zajaviŭ Ihar Kapyłoŭ.
Hramota.ru — zručny partał, na jakim luby achvotny moža zadać luboje pytańnie pa funkcyjanavańni movy i atrymać kvalifikavany adkaz ad najlepšych moŭnych śpiecyjalistaŭ. Na sajcie taksama bahata słoŭnikaŭ, daviednikaŭ, zručny pošuk.
Taksama sioleta rychtujecca da vychadu pieršy «Francuzska-biełaruski słoŭnik pravavoj leksiki». Da kanca hoda płanujecca vydańnie «Italjanskaja-biełaruskaha słoŭnika», a potym i «Biełaruska-italjanskaha». «Francuzska-biełaruski słoŭnik litaraturnaj leksiki», jak čakajecca, pabačyć śviet u 2019-m. Pačałasia rabota nad Biełaruska-anhielskaj słoŭnikam, pryznačanym dla dyjaspary suajčyńnikaŭ, jakija žyvuć u anhłamoŭnych krainach. Zapłanavany vychad i piacitomnaha słoŭnika sinonimaŭ.
Ciapier čytajuć
U biełarusaŭ Polščy byli pryčyny nie hałasavać za Tšaskoŭskaha30
Kamientary