U kałonii «Voŭčyja nory» abaviazali rabić zvanki praz rasijski mesendžar Max
Kałonija №22 «Voŭčyja nory» pačała vykarystoŭvać rasijski dadatak Max dla dazvolenych aŭdyja– i videazvankoŭ. Svajakam asudžanych rekamiendujuć pastavić hety mesendžar na svaje pryłady, bo ŭ najbližejšyja tydni kałonija płanuje admovicca ad Viber, a WhatsApp užo zabłakavany na kampjutarach ustanovy, piša Mayday.team.
Kałonija znachodzicca za 20 km ad Ivacevičaŭ, na terytoryi byłoj savieckaj vajskovaj čaści, u lesie na miažy Bresckaj i Hrodzienskaj abłaściej, tamu narmalnaj suviazi tam raniej nie było. Administracyja spadziajecca, što rasijski mesendžar budzie pracavać lepš, bo inšyja dadatki mohuć być adklučanyja praz sankcyi, a ŭ źniavolenych z Rasii niama mahčymaści skantaktavacca z rodnymi praź niedastupnyja mesendžary.
Adnak efiektyŭnaść vykarystańnia Max pakul składaje prykładna 50 na 50: u niekatorych vypadkach suviaź palepšyłasia, ale časam zvanki ŭsio jašče zavisajuć. Pry hetym prahrama patrabuje dazvołu atrymlivać vialikuju kolkaść infarmacyi — dostupu da kamiery, mikrafona, kantaktaŭ, fajłaŭ, Bluetooth i hieałakacyi.
Ekśpierty ŭ biaśpiecy ličać, što Max pravodzić nazirańnie za karystalnikami, a ŭsie danyja zachoŭvajucca na siervierach u Rasii.
Ciapier čytajuć
Cichanoŭski prapanavaŭ radykalna pierahledzieć stratehiju dla Biełarusi19
Cichanoŭski prapanavaŭ radykalna pierahledzieć stratehiju dla Biełarusi
Pamiatajecie ŭkrainku, jakuju rasijanie pryviazali da słupa? Tyja, chto jaje katavaŭ, za hady vajny amal usie zahinuli. A voś što robić ciapier jana2525
Kamientary
Nibyta ŭsio dla karyści rasiejan. Tak chaj jany zvoniać praz Max, a astatnich navošta čapać.
A svajakam biełarusaŭ, nu chacia b nie palityčnych, možna pasprabavać paskardzicca ŭ Centr Piersanalnych Danych, maŭlaŭ, ci zakonna tak prymušać zdavać piersanalnyja danyja ŭ nieviadomy mesendžar, ci suadnosiacca ŭmovy jaho vykarystańnia z zakanadaŭstvam RB.