U Vilni sabraŭsia Schod nieabyjakavych apanientaŭ Cichanoŭskaj. Pryjšła navat Karač — pahroza nacbiaśpiecy Litvy
Arhanizatary Schodu nieabyjakavych — mierapryjemstva praciŭnikaŭ Ofisa Cichanoŭskaj — zmahli častkova pravieści jaho ŭ litoŭskim Siejmie, kab pasprabavać nadać vahi svajoj inicyjatyvie. Lidary troch ruchaŭ, jakija byli aŭtsajdarami na vybarach u Kaardynacyjnuju radu, pryniali čarhovuju dekłaracyju, a paśla prapanavali svaim prychilnikam abmierkavać užo pryniataje.
Atrymałasia niezvyčajna — mnohija achvotnyja paŭdzielničać u schodzie atrymali zaprašeńni na 14:00 u adzin ź vilenskich biznes-centraŭ, a nasamreč samo mierapryjemstva pačałosia ad ranicy ŭ vuzkim kole ŭ litoŭskim Siejmie.
Tam arhanizatary sustrakalisia z deputatam Jeŭraparłamienta Piatrasam Aŭštravičusam. Jon kaliści byŭ siarod stvaralnikaŭ Libieralnaha ruchu Litvy, ale maje santymient da Mikoły Statkieviča, tamu maralna padtrymlivaje siabroŭ jahonaj sacyjał-demakratyčnaj «Narodnaj Hramady».
Na hetaj sustrečy i była prezientavanaja Biełaruskaja nacyjanalnaja kaalicyja.
Čytajcie:Apanienty Cichanoŭskaj źbirajucca stvaryć svoj orhan, kab lehitymna pradstaŭlać biełaruski narod
Jak vyjaviłasia, inicyjatyvu zapuskajuć tyja samyja ruchi, što kaliści damaŭlalisia siabravać pad brendam Miemarandum — «Narodnaja Hramada», «Kraina dla žyćcia» i Biełaruskaja chryścijanskaja demakratyja (taja, što ŭznačalvaje Hieorhij Dźmitruk). Usie jany sprabavali prajavić siabie na vybarach u Kaardynacyjnuju radu ŭ minułym hodzie. Praŭda, sabrali hałasy ŭsiaho 165 (2,46%) udzielnikaŭ vybaraŭ i asłupavali pieradapošniaje i apošniaje miesca.
Na Schod nieabyjakavych — jaho druhuju častku — pryjšło kala 40 čałaviek. Jašče niekalki dziasiatkaŭ nazirali za šou anłajn. Tranślacyja išła adrazu na niekalkich kanałach, ale kolkaść hledačoŭ była miziernaja — jak i va ŭsich padobnych aficyjnych kanfierencyjach, što za Cichanoŭskuju, što suprać. U jutub-kanale Volhi Karač tranślacyju doŭhi čas hladzieŭ roŭna adzin čałaviek.
Darečy, Volha Karač — pryznanaja litoŭcami pahrozaj nacyjanalnaj biaśpieki dla krainy — adznačyła schod svajoj uvahaj i navat uziała słova.
Taksama siarod vystupoŭcaŭ na praciahu dnia byli vajary Alaksandr «Łachvič» Naŭkovič i Vital «Vituška» Tryhubaŭ, aktyvisty dyjaspary Anton Małkin i Michaił Kučaraŭ, siabra «Narodnaj Hramady» Chielen Minskaja (akazvajecca, jaje sapraŭdnaje imia Alena Fiłatava), były maładafrontaviec Andruś Cianiuta.
Cichanoŭski prapanavaŭ radykalna pierahledzieć stratehiju dla Biełarusi36
Cichanoŭski prapanavaŭ radykalna pierahledzieć stratehiju dla Biełarusi
Pamiatajecie ŭkrainku, jakuju rasijanie pryviazali da słupa? Tyja, chto jaje katavaŭ, za hady vajny amal usie zahinuli. A voś što robić ciapier jana2525
Kamientary