«#ćviordaja_biełarusizacyja» — pad takim žartaŭlivym chešteham źmiaściŭ novy zapis u siabie ŭ fejsbuku homielski ekołah i žurnalist Andruś Miadźviedzieŭ.
«Usio ž jość plon ad maich ścipłych namahańniaŭ! — piša Miadźviedzieŭ — Jedu ciahnikom Homiel-Hrodna z Homiela ŭ Harodniu. Učora ŭvieś viečar hrała muzyka z pajazdnoha «radziva». Siarod rasijskich krucili i «Niebaschił Jeŭropy» ŭ vykanańni Rybaka, i niekalki piesień J-Morsa i roznyja tam Siabry-Pieśniary pa-našamu. Kolki ja papapisaŭ ŭ BČ, kab u darozie možna było nie tolki rasijski šanson słuchać, i voś — jość ža vynik.
A pajšoŭšy ŭrańni pa svaju ŭlubionuju harbatu, pačuŭ ad pravadnicy: «Vy znaicia, u nas byŭ słučaj, adna naša dzievačka vot tak nie znała, što takoje «harbata», dyk kakoj-ta pasažyr žałabu napisaŭ. U nas očeń tahda surjozna raźbiralisia, ciapier my ŭsie znaim, što takoje «harbata». I nie toka «harbata». Skazali, kab usie panimali pa-biełaruskamu. Ot i mnie uže try hoda da piensii, a ja ŭspomniła, chacia učyła ŭ škole 40 let nazad».
Pomniu ja tuju «dzievačku». Jana była nie našmat maładziejšaja za hetuju pravadnicu dy pačała hnuć palcy: «Havarycie mnie na ruskam, ja nie sabirajuś tut etat vaš biełaruski panimać». Tamu ja skarhu i napisaŭ. Zatoje ciapier nie adčuvaju siabie ŭ biełaruskich ciahnikach jak u emihracyi — navat i blizka nichto z pravadnikoŭ nie kaža, što nie razumieje čahości!» — śmiajecca Miadźviedzieŭ.
-
«Nie zapatrabavana». Ź viadomaha kafe Mon Nom na Traktarnym prybrali biełaruskamoŭnaje mieniu
-
Niejrasietki ŭsio jašče spatykajucca na biełaruskim maŭleńni. Biełarusy chočuć padaryć štučnamu intelektu idealny hołas
-
Junak raskazaŭ, jak kanśpiektavaŭ ruskamoŭnyja lekcyi biełaruskaj łacinkaj. Heta vyklikała damino ŭspaminaŭ z BNTU, BDTU i BDU
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?11
Kamientary