30 červienia pad Minskam adbudiecca «Naš dzień» — pieršy za doŭhi čas vialiki rok-fest z całkam biełaruskim łajn-apam. U im voźmuć udzieł Volski, Dzieciuki, Nizkiz dy jašče dzieviać viadomych biełaruskich vykanaŭcaŭ.
Pieršaja partyja kvitkoŭ patrapiła ŭ prodaž učora z koštam 23 rubli (z ulikam kamisii apieratara). Nabyć ich možna na sajcie Kvitki.by i ŭ kasach pa ŭsioj Biełarusi. Pałovu z hetaj partyi kupili za pieršyja 24 hadziny.
— Ludzi nabyvajuć kvitki vielmi chutka, šmat dobrych kamientaroŭ. Vielmi pryjemna bačyć takuju reakcyju na całkam biełaruski fest. My spadziavalisia na heta, ale nie ličyli harantavanym. Dziakuj! — kaža adzin z arhanizataraŭ mierapryjemstva Uładzimir Płavinski.
Fest budzie adbyvacca z 12-j da 22-j hadziny na placoŭcy Muzieja narodnaj architektury i pobytu ŭ vioscy Aziarco pad Minskam. Skład udzielnikaŭ: Volski, Dzieciuki, Akute, B:N:, «Daj darohu!», Nizkiz, «Krama», The Superbullz, Neuro Dubel, Mutnajevoka, Źmicier Vajciuškievič, Piotr Klujeŭ. Muzyčny łajn-ap dapoŭniać adukacyjnyja aktyŭnaści, hulni dla dziaciej i darosłych, cikavyja kvesty, fudkorty, kirmaš i inšyja zabavy.
Arhanizatary praz sacsietki abviaścili konkurs maładych vykanaŭcaŭ, prymajuć zaŭki na ŭdzieł u fudkorcie, kirmašy i zabavach. Padrabiaznaja infarmacyja na staronkach u Facebook i VK. Infalinija: (033) 661 14 32.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary