Na sakretnaj pre-paci A-Fest minčukoŭ pačastujuć chot-dohami ź cialačymi mazhami

Hałoŭnaja navodka, jakuju dajuć arhanizatary, — čyrvony fudtrak Akademii fudchantaraŭ A-Fest. Padčas pre-paci ŭ im projdzie druhi zaniatak junych «palaŭničych na ježu». Nazva vulic i numary damoŭ, pobač ź jakimi projdzie viečaryna, źjaviacca ŭ dzień pre-paci ŭ instahram-profili «rektara» akademii — Koko.by.

U 2016 hodzie «Alivaryja» praviała ŭ Łošyckim parku pieršy A-Fest i pryviezła ź im u Biełaruś tradycyi jeŭrapiejskaha adpačynku: ad chedłajnieraŭ ź Vialikabrytanii, Francyi, Łatvii da vializnaha fudkorta z vuličnaj ježaj. U Biełarusi zaraz stryt-fud staŭ takim ža papularnym, jak i ŭ astatniaj Jeŭropie. Tamu «Alivaryja» razam z Akademijaj fudchantaraŭ A-Fest vyrašyli paznajomić biełarusaŭ z kulturaj stryt-fudu, vuličnymi tusoŭkami i pravieści ekskluziŭnuju pre-paci fiestyvalu. Jaje hościem moža stać kožny minčanin.

Viečaryna pačniecca a 18:00 i za adzin viečar źjavicca ŭ troch punktach horada. Prypynak u adnoj łakacyi budzie ŭsiaho na 30 chvilin, paśla čaho pre-paci źniknie i źjavicca ŭžo ŭ novym miescy. Kab pieršym daviedacca, pa jakich adrasach projdzie viečaryna, biełarusam prapanujuć uvažliva sačyć za profilem Koko.by ŭ instahramie — 7 žniŭnia tam źjavicca infarmacyja ab 3 «sakretnych» łakacyjach.

Na pre-paci arhanizatary abiacajuć zładzić sapraŭdnaje hastranamičnaje šou. 3 najlepšyja studenty akademii na čale ź jaje «rektaram» — Koko.by — pryhatujuć paŭtary sotni chot-dohaŭ pa aŭtarskich receptach: ad kłasičnych z sasiskaj hryl i viehietaryjanskich z sałataj, da ekzatyčnych z roznakalarovaj bułačkaj i kaŭbaskaj ź cialačych mazhoŭ. Vypadkovyja hości pre-paci na adzin viečar stanuć fudchantarami i pradehustujuć prapanavany stryt-fud. Jeści chot-dohi minčanie buduć razam ź pivam ad «Alivaryi», a maleńkija biełarusy z kvasam «Alivarski».

Paśla dehustacyi haściam prapanujuć naviedać pieršuju stryt-fud ekskursiju ŭ krainie, jaje praviadzie Koko.by. Ubačyć usie sakrety pierajeznaj vuličnaj kuchni i daviedacca, jak pryhatavać toj samy stryt chot-doh u chatnich umovach, možna budzie ŭ fudtraku Akademii fudchantaraŭ A-Fest.

Pavialičyć

«Fudkort na fiestyvali zajmaje takoje ž važnaje miesca, jak muzyka i inšyja zabavy. Dla A-Fest 2018 my jaho ŭdaskanalili. Naprykład, hladzieć vystupleńnie artystaŭ možna budzie nie tolki sa sceny, ale i z 3-mietrovaha ekrana, jaki raźmieścicca pobač z restaranami. Akramia hetaha, my ŭžo pačali znajomić biełarusaŭ ź mieniu fiestyvalu praz Akademiju fudchantaraŭ A-Fest, — raspaviadaje Taras Macipura, namieśnik hienieralnaha dyrektara pa markietynhu pivavarnaj kampanii «Alivaryja» i arhanizatar A-Fest. — Studenty ŭžo zrabili ahlady na stryt-sety ŭdzielnikaŭ Food-A-Festa, jakija źjaviacca i na samim fiestyvali. A hości našaj pre-paci zmohuć pieršymi «zateścić» niezvyčajny fudkort jeŭrapiejskaha fiestyvalu piva i ježy A-Fest».

Treci jeŭrapiejski fiestyval piva i ježy projdzie 11 žniŭnia ŭ Łošyckim parku. U 2017 jaho naviedali 150 tysiač čałaviek, i ŭ hetym hodzie arhanizatary čakajuć nie mienš. Uvachod volny, a dzieci da 18 hadoŭ zmohuć prajści ŭ supravadžeńni baćkoŭ.

• 0
• 0
• 0
• 0
• 0
• 0
• 0
• 0