Pałatu łordaŭ treba terminova achapić padpiskaj na SB!
U Biełarusi niama karupcyi. Heta zajaviŭ ŭ Londanie… nie, nia naš Sidorski, a ichni łord Skidelski. Piša ŭ svaim błohu Alaksandar Kłaskoŭski.
U Biełarusi niama karupcyi. Heta zajaviŭ ŭ Londanie… nie, nie Sidorski, a łord Skidelski.
18 listapada ŭ Londanie adkryŭsia Biełaruski investycyjny forum z udziełam premjera Sidorskaha. Złyja jazyki apryjory achryścili mierapryjemstva pijaram padčas finansavaj čumy. Adnym z pramoŭteraŭ aficyjnaha Miensku staŭ na forumie łord Skidelski.
Jon krasamoŭna reklamavaŭ dasiahnieńni biełaruskaj madeli. U pryvatnaści, zaznačyŭ, što siońnia, kali «anhła-amerykanskaja madel kapitalizmu pad vialikim pytańniem», kurs Biełarusi «na stabilnaje pastupovaje raźvićcio pačynaje siabie apraŭdvać».
Łord, adnak, jaŭna pierastaraŭsia. Jon tak ščyravaŭ, što, jak paviedamlaje Interfaks-Zachad, u liku dasiahnieńniaŭ biełaruskaj ułady nazvaŭ adsutnaść u krainie karupcyi. (Amal što klasyka: u SSSR seksu niama:)
I tut stała zrazumieła: łord nie hladzić BT i nie čytaje SB. Bo dziaržaŭnyja medyi z razmacham padali biesprecedentnuju łupcoŭku karupcyjaneraŭ na naradzie ŭ Łukašenki 13 listapada. U numary hazety Administracyi ad 14 listapada vykryvalnaja tema zaniała až try pałasy!
Karaciej, treba terminova achapić Pałatu łordaŭ padpiskaj na biełaruskuju dziaržaŭnuju presu! I chaj kožny viečar hladziać «Panaramu»!
Kali ž surjozna, to łord Skidelski jak ekanamist moh by pacikavicca chacia b indeksam usprymańnia karupcyi pavodle «Trensperensi Internešnł».
U sioletnim rejtynhu Biełaruś na 151-m miescy sa 180. Na adnoj roŭnicy z Łaosam, Ekvadoram, Papua — Novaj Hvinejaj, Tadžykistanam, Centralna-Afrykanskaj Respublikaj dy Kot-dJIvuaram.
Miž tym čatyry hady tamu Biełaruś zajmała 74-y radok, a ŭ 2002-m mieła i ŭvohule prystojnaje 36-je miesca.
Karaciej, acanicie prahres dy śmieła viazicie vašy funty! I pabolej.
ZY. Łord Robert Skidelski uvachodzić u radu dyrektaraŭ rasiejskaj karparacyi «Systema». Pavodle "Kommiersanta", za heta płaciać 325 000 dalaraŭ na hod. U «Systemie» kažuć, što chočuć vykarystoŭvać dośvied Skidelskaha «dziela ekanamičnaj ekspansii». Vo jaki kaštoŭny łord!
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram26
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary