Situacyja z kursam biełaruskaha rubla zastajecca stabilnaj i hałoŭnym čynam zaležyć ad rynkavych faktaraŭ, zajaviŭ staršynia praŭleńnia Nacbanka Biełarusi Raman Hałoŭčanka ŭ kamientary telekanału «Pieršy infarmacyjny».
Hałoŭčanka ŭdakładniŭ, što hetyja rynkavyja faktary źviazanyja z hieapalityčnaj situacyjaj.
«Ja ŭžo nieadnarazova kazaŭ, što my nie hulajem śpiecyjalna suprać dołara, nie asłablajem rubiel, nie ŭmacoŭvajem rubiel. Tamu pakul situacyja na rynku składajecca takaja. Pakul ja dumaju, što jana całkam zadavalniaje, hałoŭnym čynam, biełaruskich eksparcioraŭ, jakija pradajuć pradukcyju ŭ Rasijskuju Fiederacyju», — adznačyŭ jon.
Akramia taho, jon źviarnuŭ uvahu, što na kurs ciapier upłyvaje i zakančeńnie padatkovaha pieryjadu ŭ Biełarusi, što stvaraje vialikuju prapanovu valuty na rynku. Paśla možna čakać nievialikaha asłableńnia rubla, ale rezkich vahańniaŭ u Nacbanku nie prahnazujuć.
27 studzienia dalar na Biełaruskaj valutna-fondavaj biržy padros na 0,5% da rubla, kurs juania taksama pavysiŭsia na 0,5%, a rasijski rubiel padaražeŭ na 0,27%.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary
Što budzie ŭ Maskovii z RUblem, toje i ź BINam staniecca praz hadzinu