IT-kampanija ź biełaruskimi karaniami ŭvajšła ŭ top-3 najlepšych teściroŭščykaŭ śvietu
U trojku najlepšych u śviecie kampanij, jakija zajmajucca teściravańniem prahramnaha zabieśpiačeńnia, uvajšła kampanija ź biełaruskimi karaniami A1QA. Śpis lidaraŭ hetaha davoli surjoznaha siehmienta ŭ suśvietnaj IT-industryi ŭ studzieni pradstaviła rejtynhavaja płatforma GoodFirms, piša Thinktanks.pro.
Jak adznačajecca aŭtarami rejtynhu, A1QA — heta «vopytnaja kampanija, jakaja realizavała bolš za 1500 prajektaŭ dla klijentaŭ z 39 krain».
U štacie A1QA, zasnavanaj u 2003 hodzie ŭ Minsku biełaruskim biznesmienam Siarhiejem Hvardziejcavym, zaniata zvyš 1100 čałaviek. Štab-kvatera A1QA znachodzicca ŭ amierykanskim horadzie Dekiejter u štacie Džordžyja. Na aficyjnym sajcie paznačany taksama pradstaŭničy ofis u Łondanie i 4 centry raspracoŭki ŭ Polščy, Hruzii, Banhładeš i Mieksicy.
U minułym hodzie Siarhiej Hvardziejcaŭ taksama adkryŭ ahulny centr raspracoŭki A1QA i svajho asnoŭnaha biznesu Itransition u indyjskim horadzie Nojda.
Zachavaŭsia ofis hetaha biznesu i ŭ Minsku. Ale jon užo nie pracuje pad brendam A1QA i navat źmianiŭ nazvu jurydyčnaj asoby. Kali raniej heta była kampanija «Technałohii jakaści», to ciapier — «Trajektoryja jakaści».
Napieradzie A1QA ŭ topie suśvietnych teściroŭščykaŭ apynulisia dźvie amierykanskija firmy: QA Mentor i Qualitest Group. Ale A1QA vyšejšaja za ŭsie šmatlikija indyjskija firmy ŭ hetaj halinie.
Top-10 najlepšych suśvietnych kampanij-teściroŭščykaŭ vyhladaje tak:
- QA Mentor, ZŠA;
- Qualitest Group, ZŠA;
- A1QA, ZŠA;
- Packetlabs, ZŠA;
- Testmatick, ZŠA;
- BetterQA, Rumynija;
- LambdaTest, ZŠA;
- BugRaptors, Indyja;
- hikeQA, Indyja;
- UTOR — QA services and Software Testing company, Estonija.
16‑ie miesca ŭ hetym śpisie GoodFirms zaniała jašče adna kampanija ź biełaruskimi karaniami i ŭładalnikami. Heta — teściroŭščyk XB Software, centr raspracoŭki jakoha raźmieščany ŭ Varšavie.
Jak dehradujuć biełaruskija harady, jakija niadaŭna byli łakalnymi drajvierami
35‑hadovuju ajcišnicu z Bresta asudzili za palityku. Chutčej za ŭsio, pa spravie Hajuna
Adzinočka stvaryŭ hulniu pa historyi Zielcara: šmat hvałtu i trupy realnych siłavikoŭ
«Dzień, jakoha mnohija čakali». Zasnavalnik EPAM adreahavaŭ na vyzvaleńnie 123‑ch palitviaźniaŭ
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram11
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1818
Kamientary