Ceny na zołata dasiahnuli novaha histaryčnaha maksimumu, pieravysiŭšy $5200 za uncyju
Na piku kaciroŭki lutaŭskaha kantraktu na zołata na biržy Comex vyraśli na 3,14%, da $5242,2 za uncyju, śviedčać źviestki tarhoŭ na 6:10 pa minskim časie.
Zołata dasiahnuła novaha rekordnaha ŭzroŭniu na fonie padzieńnia kursu dalara ZŠA. Bolš tanny dalar padtrymlivaje zołata, pakolki jano stanovicca bolš dastupnym dla zamiežnych pakupnikoŭ, jakija vykarystoŭvajuć inšyja valuty, što stymuluje popyt.
U aŭtorak indeks dalara DXY, jaki adlustroŭvaje suadnosiny dalara da košyka z šaści suśvietnych valut, abvaliŭsia na 1,55%, apuściŭšysia na minimumie da 95,551. Na takich uzroŭniach indykatar znachodzicca ŭpieršyniu amal za čatyry hady — z 10 lutaha 2022 hoda.
U paniadziełak cana zołata prabiła płanku 5000 dalaraŭ za uncyju, učora nočču — 5100, u siaredzinie śniežnia było 4500.
U minułym hodzie cana zołata vyrasła na 64 pracenty, z pačatku hetaha hoda ŭžo amal na 17 pracentaŭ.
Jak ličać ekśpierty, asnoŭnaja pryčyna rostu zołata — rost hieapalityčnaj napružanaści ŭ śviecie. Da taho ž usie praciahvajuć čakać čarhovaha źnižeńnia pracentnych stavak u ZŠA.
Adnak što da pierśpiektyŭ, mierkavańni razychodziacca. Pavodle analitykaŭ, finansavyja i hieapalityčnyja faktary jašče niejki čas buduć šturchać canu zołata ŭhoru. Razam z tym na rynku narastaje ryzyka karekcyi, tamu dalejšyja ŭkładańni ŭ zołata ciapier źviazanyja z vysokaj vierahodnaściu adkatu.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty40
Kamientary