Vučony rastłumačyŭ, čamu ŭ hetym siezonie vosy tak časta napadajuć na ludziej. I jak ad ich baranicca

Na minułym tydni stała viadoma pra dva vypadki, kali vosy pakusali ludziej. Adzin ź ich adbyŭsia na vychodnych u Słucku, tam nasiakomyja napali na dziaciej. Niekalkimi dniami raniej u tym ža Słuckim rajonie paśla ŭkusaŭ vosaŭ pamierła 63-hadovaja piensijanierka. Vosy sioleta stali bolš ahresiŭnymi? Pra asablivaści pavodzinaŭ nasiakomych raspavioŭ Tut.by Alaksandr Šlachcionak, staršy navukovy supracoŭnik łabaratoryi naziemnych biespazvanočnych žyvioł navukova-praktyčnaha centra Nacyjanalnaj akademii navuk Biełarusi pa bijaresursach.

Pa słovach ekśpierta, vosy nie stali bolš ahresiŭnymi, prosta mienavita ciapier ich kolkaść našmat vyšejšaja, čym uletku.

— Kolkaść vos u pryrodzie vahajecca i ŭ asnoŭnym zaležyć ad faktaraŭ nadvorja. Kali ich bolš, to bolš vypadkaŭ napadu, a byvaje, što ich mienš, tak skłaŭsia hod, tamu fiksujuć mienš vypadkaŭ napadu, — kaža jon. — Treba viedać bijałohiju vidu. Kolkaść bolšaści vidaŭ hramadskich składčatakryłych vos u dadzieny pieryjad času maksimalnaja. A ich u nas prykładna paŭtara dziasiatki vidaŭ.

Ekśpiert raspaviadaje pra žyćciovy cykł vosaŭ. U kancy krasavika-pačatku maja apłodnienaja caryca vos paśla zimy zakładvaje hniazdo i pačynaje stvarać novuju siamju.

- Tady joj u asnoŭnym nie da ludziej, jana zaniataja i pabudovaj hniazda, i vyroščvańniem ličynak. Praź miesiac źjaŭlajucca pracoŭnyja vosy. Jany ŭžo sami kłapociacca pra naščadkaŭ, kormiać, a caryca zajmajecca tolki adkładvańniem jajek, ź jakich źjaŭlajucca ličynki i potym novyja asobiny. Da kanca vieraśnia hniazdo razrastajecca, i kolkaść vos pavialičvajecca, - adznačaje jon.

Pa słovach Alaksandra Šlachcionka, u adnym hniaździe, da prykładu, hiermanskaj asy da kanca siezona moža być 2-3 tysiačy asobin, u šeršniaŭ - kala 500. Bolšaja častka składčatakryłych vos sielicca ŭ ziamli, čaściej za ŭsio heta byłyja myšynyja chady, šeršni - u dupłach dreŭ, zakinutych viaskovych chatach.

Kolkaść vos zaležyć nie tolki ad pary hoda, ale i ad siezonu. U hetym siezonie ich trochi bolš, čym u minułym.

— Hety siezon troški anamalny pa tempieraturnym režymie. Ale takija siezony ŭžo byli. U hetym hodzie było tak: vysoki tempieraturny režym źmianiaŭ karotki pieryjad daždžoŭ. Ale ŭ adroźnieńnie ad papiarednich siezonaŭ, u hetym bolš vysokija letnija tempieratury, tamu i aktyŭnaść, i kolkaść vos raście. Akramia hetaha, jość šmathadovyja vahańni kolkaści, źviazanyja z soniečnaj aktyŭnaściu. My adznačali, što raz u 11-12 hadoŭ kolkaść vos niekalki vyšejšaja, čym u inšyja hady.

Da taho ž u hetym siezonie šmat jabłykaŭ, a vosy siłkujucca sadavinaj, heta vuhlavody. Ličynak jany vykormlivajuć žyviolnaj ježaj, a darosłyja asobiny jaduć vuhlavody, - raspaviadaje Alaksandr Šlachcionak.

Vučony źviartaje ŭvahu, što paźbiehnuć sustrečy z vosami možna, vykonvajučy miery biaśpieki. Nie treba padychodzić da ich hniazda na piać mietraŭ i bližej. Vosy buduć abaraniać svajo hniazdo i mohuć ŭdžalić. Nie varta samastojna prybirać asinaje hniazdo, asabliva, kali ŭ vas niama admysłovaha kaściuma. Lepš vyklikać MNS.

Taksama nie treba zapuskać vos ŭ pakoj, dzie vy varycie vareńnie. A kali jaścio jabłyk, to treba ŭvažliva hladzieć, ci nie źjeli vy razam ź im asu. Jana moža patrapić u rot, udžalić u jazyk — čałaviek moža zadychnucca.

Kali vy siedzicie na letniaj terasie kafe i da vas prylacieła asa, to ad jaje možna akuratna čymści admachnucca. Jana źlacić.

Ale kali vy vypadkova da jaje dakranulisia abo prycisnuli, to jana, chutčej za ŭsio, vas udžalić.

Pa słovach Alaksandra Šlachcionka, anafiłaktyčny šok na ŭkus vosy moža ŭźniknuć u 1-2% vypadkaŭ. I kali takija vypadki ŭ siamji byli, to varta mieć pry sabie patrebnyja preparaty, kab svoječasova akazać pieršuju dapamohu.

• 0
• 0
• 0
• 2
• 2
• 0
• 1
• 0