«Noč rasstralanych paetaŭ» projdzie ŭ Kurapatach 29 kastryčnika
Źmicier Daškievič raspavioŭ pra ideju pravieści «Noč rasstralanych paetaŭ» u Kurapatach 29 kastryčnika.
«Noč z 29 na 30 kastryčnika 1937 hoda — čornaja noč u historyi Biełarusi. Za adnu noč savieckija śpiecsłužby rasstralali bolš za sto pradstaŭnikoŭ biełaruskaj intelihiencyi — litarataraŭ, navukoŭcaŭ, dziaržaŭnych dziejačaŭ. Siarod źniščanych kamunistami — takija vybitnyja tvorcy, jak Michaś Čarot, Aleś Dudar, Michaś Zarecki, Płaton Hałavač, Juli Taŭbin, Anatol Volny, Todar Klaštorny, Jurka Lavonny, Valer Marakoŭ i mnohija inšyja. Takoha złačynstva nia viedaje historyja nivodnaj eŭrapiejskaj dziaržavy.
Dziela ŭšanavańnia pamiaci niavinna zabitych paetaŭ i piśmieńnikaŭ davajcie źbiaremsia 29 kastryčnika ŭ Kurapatach. Farmat vielmi ścipły i hodny: čytajem tvory represavanych Savietami litarataraŭ, sučasnyja tvory na adpaviednuju tematyku. Čytańni buduć prachodzić z 20-aj da 24-aj hadziny z taho boku Kurapataŭ, dzie bulbašžor «Pojedim-pojedim». Źbirajemsia la 6-mietrovych kryžoŭ, jakija ŭstaloŭvali sioleta.
U «Nočy rasstralanych paetaŭ» čakajecca ŭdzieł mnohich viadomych piśmieńnikaŭ, paetaŭ i muzykaŭ. Prychodźcie i vy! Chto maje mahčymaść padtrymać mierapryjemstva ci dapamahčy ŭ arhanizacyi, adpisvajciesia mnie pryvatna. Chto maje žadańnie, raspaŭsiudžvajcie infarmacyju pra čytańni i abaronu Kurapataŭ pad cheštehami #Nočpaetaŭ2018#Kurapaty2018» — zaklikaje inicyjatar sustrečy Źmicier Daškievič.
Kamientary