Uskryćcio paćvierdziła, što aktrysa Chiejden Paniećjer pamierła ad pieradaziroŭki narkotykaŭ
Praviedzienaje uskryćcio pakazała, što halivudskaja aktrysa Chiejden Paniećjer, byłaja niaviesta słavutaha ŭkrainskaha baksiora Uładzimira Kličko, pamierła ad taksičnaha ŭździejańnia fientaniłu, ksanaksa i niekalkich inšych miedycynskich preparataŭ, piša Bi-bi-si. Jana pamierła ŭ siaredzinie žniŭnia va ŭzroście 36 hadoŭ.
Paniećjer najbolš viadomaja pa rolach u telesieryjałach «Hieroi» i «Nešvił». Aktrysa nie chavała, što na praciahu mnohich hadoŭ zmahałasia z zaležnaściu ad narkotykaŭ i ałkaholu.
Karanier akruhi Hrynvił u štacie Paŭdniovaja Karalina pryznaŭ śmierć žančyny niaščasnym vypadkam. Pry hetym na ciele aktrysy nie vyjavili paškodžańniaŭ, jakija mahli b stać pryčynaj śmierci.
Akramia fientaniłu i ksanaksa, u kryvi Paniećjer znajšli mietakarbamoł — mijarełaksant, jaki źnižaje tonus ciahlic, a taksama kvietyjapin — antypsichatyčny preparat, jaki vykarystoŭvajecca pry lačeńni niekatorych psichičnych zachvorvańniaŭ.
Fientanił źjaŭlajecca sintetyčnym apioidam, užyvańnie jakoha za apošnija piać hadoŭ stała pryčynaj śmierci sotniaŭ tysiač čałaviek u ZŠA.
Pavodle ofisa karaniera, supracoŭniki ekstrannych słužbaŭ sprabavali reanimavać aktrysu i adnavić pracu jaje serca, ale vyratavać jaje nie ŭdałosia. U rasśledavańni abstavin śmierci Paniećjer taksama budzie ŭdzielničać amierykanskaje Upraŭleńnie pa baraćbie z narkotykami.
Zhodna z palicejskim pratakołam, kali ekstrannyja słužby prybyli ŭ dom aktrysy, pobač ź joj znachodzilisia jaje były chłopiec Brajan Chikiersan i jahony brat Zak. Raniej Chikiersan pryznavaŭsia, što žorstka abychodziŭsia z Paniećjer.
Za niekalki miesiacaŭ da śmierci aktrysa apublikavała miemuary, u jakich padrabiazna raskazała pra narkatyčnuju zaležnaść i paślarodavuju depresiju. Jana pisała, što ŭpieršyniu pasprabavała narkotyki ŭ 16 hadoŭ. Heta adbyłosia padčas premjery sieryjała «Hieroi», kali adzin z kaleh daŭ joj tabletku, nazvaŭšy jaje srodkam dla palapšeńnia nastroju.
Paźniej Paniećjer raskazvała, što tady nie razumieła niebiaśpieki i nie ŭśviedamlała, da jakoj zaležnaści heta moža pryvieści. U darosłym uzroście, pavodle jaje słoŭ, jana ŭžo praktyčna nie mahła žyć biez ałkaholu i narkotykaŭ.
Brat aktrysy Jansen Paniećjer pamior ad zachvorvańnia serca va ŭzroście 28 hadoŭ. U svaich miemuarach Chiejden taksama pisała, što jon mieŭ prablemy z narkatyčnaj zaležnaściu, u tym liku ŭžyvaŭ hierain i kakain, što, pavodle jaje, u vyniku pryviało da jaho śmierci.
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU11
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary