U AAN 50 krain i ES zaklikali Rasiju da prypynieńnia ahniu. ZŠA nie dałučylisia, Rasija admachnułasia

Tekst zajavy, jaki MZS Ukrainy razdało žurnalistam, byŭ apublikavany pierad pasiadžeńniem Rady Biaśpieki AAN 23 vieraśnia.

Padpisanty vykazali salidarnaść z Ukrainaj i hłybokuju zaniepakojenaść eskałacyjaj dziejańniaŭ Rasii suprać cyvilnaha nasielnictva i cyvilnaj infrastruktury pa ŭsioj Ukrainie.

Jany vykazali zaniepakojenaść atakami ŭ Čornym mory i padtrymali namahańni pa zaklučeńni pahadnieńnia ŭ Čornym mory z metaj zabieśpiačeńnia svabody sudnachodstva.

Taksama ŭ zajavie nahadvajuć, što z sakavika 2025 hoda Ukraina pahadziłasia na poŭnaje, nieadkładnaje i biezumoŭnaje prypynieńnie ahniu.

«My zaklikajem Rasiju narešcie zrabić toje ž samaje — heta nieabchodny krok na šlachu da kanstruktyŭnaj dypłamatyi i pieramoŭ, jakija viaduć da miru», — skazana ŭ tekście zajavy.

Taksama padpisanty zaklikali Rasiju zabiaśpiečyć nieadkładnaje viartańnie va Ukrainu ŭsich samavolna zatrymanych, hvałtoŭna pieramieščanych abo departavanych ukrainskich cyvilnych asob, u tym liku dziaciej, a taksama poŭnaje viartańnie ŭsich vajennapałonnych i ŭsich internavanych asob jak važnyja miery pa ŭmacavańni davieru.

«Ukraina prahnie miru. My prahniem miru. Rasija pavinna spynić svaju ahresiju, pahadzicca na prypynieńnie ahniu i kanstruktyŭna dałučycca da pieramoŭ pa dasiahnieńni ŭsieachopnaha, spraviadlivaha i tryvałaha miru ŭ adpaviednaści ź mižnarodnym pravam», — skazana ŭ zajavie.

Zajavu padtrymali 50 krain i Jeŭrapiejski Sajuz. Siarod krain-padpisantaŭ adsutničajuć Złučanyja Štaty Amieryki, jakija adyhryvajuć pasiarednickuju rolu ŭ pieramovach pamiž Ukrainaj i Rasijaj.

Krainy, jakija padtrymali zajavu:

Ałbanija, Andora, Aŭstralija, Aŭstryja, Bałharyja, Bielhija, Bośnija i Hiercahavina, Vienhryja, Vialikabrytanija, Handuras, Hiermanija, Hruzija, Hrecyja, Danija, Izrail, Irłandyja, Isłandyja, Ispanija, Italija, Kanada, Kipr, Kosta-Ryka, Łatvija, Litva, Lichtenštejn, Luksiemburh, Małdova, Malta, Manaka, Narviehija, Niderłandy, Novaja Ziełandyja, Partuhalija, Paŭdniovaja Kareja, Paŭnočnaja Makiedonija, Polšča, Rumynija, San-Maryna, Słavakija, Słavienija, Ukraina, Finlandyja, Francyja, Charvatyja, Čarnahoryja, Čechija, Šviejcaryja, Šviecyja, Estonija, Japonija.

U toj ža čas ministr zamiežnych spraŭ Rasii Siarhiej Łaŭroŭ na pasiadžeńni Rady Biaśpieki AAN pa pytańni Ukrainy zajaviŭ, što Rasija nie maje namieru rabić paŭzu ŭ bajavych dziejańniach na čas pieramoŭ z Ukrainaj niezaležna ad ich farmatu.

Pavodle śćviardžeńnia Łaŭrova, jeŭrapiejskija krainy chočuć damahčysia takoj paŭzy, kab atrymać čas dla papaŭnieńnia vajskovych zapasaŭ Ukrainy, jakija, na jaho dumku, vyčarpalisia. Pry hetym Łaŭroŭ abvinavaciŭ ukrainski bok u vykarystańni, jak jon vykazaŭsia, «terarystyčnych mietadaŭ».

• 2
• 0
• 2
• 3
• 0
• 2
• 5
• 0