«Nastojliva rekamiendavali» nie chavać jaje na radzimie». Muž Śviatłany Kurs raskazaŭ novyja padrabiaznaści pra jaje pachavańnie
Dniami ŭ biełaruskich miedyja źjavilisia artykuły pra toje, što ŭłady praihnaravali prośby svajakoŭ Śviatłany Kurs dapamahčy pachavać jaje na radzimie. Ambasada nie źviartała ŭvahi na zvaroty siamji, a čynoŭniki byli kateharyčna suprać luboj publičnaj padziei, źviazanaj ź piśmieńnicaj. Muž Śviatłany, Siarhiej, raskazaŭ «Jeŭraradyjo» jašče niekatoryja padrabiaznaści.
Pa słovach Siarhieja, isnujuć dva sposaby pieravozki niabožčyka praź miažu ŭ Biełaruś. Pieršy — pieravozka cieła, na jakuju nieabchodny dazvoł ambasady. Druhi — pieravozka prachu pryvatnaj firmaj.
«Spačatku była ideja pieravieźci cieła, kab možna było raźvitacca, a potym užo zrabić kremacyju ŭ Biełarusi, bo Śvieta chacieła kremacyju. Ja dva dni bieśpierapynna zvaniŭ u ambasadu. Trubku nie zdymali ni pa adnym z numaroŭ. Urešcie tudy pajechaŭ. Zvaniŭ u bramku. Skazali: «Pišycie mejły».
Aproč taho, dadaje muž Śviatłany Kurs, dadatkovych vialikich hrošaj kaštavała ŭtrymańnie cieła ŭ pryvatnym praziektoryumie i afarmleńnie dakumientaŭ z apastylami, na jakija było amal niemahčyma zapisacca praz popyt.
U vyniku siamja vyrašyła źviarnucca ŭ pryvatnuju firmu, jakaja siertyfikavana zajmajecca takoha kštałtu pieravozkami. Dziela heta byŭ patrebny tolki dazvoł na pachavańnie ad sielsavieta na Lubanščynie, jaki atrymali baćki Kurs.
Pa słovach Siarhieja, siamja bajałasia ŭvahi da pachavańnia Śviatłany z boku biełaruskich uładaŭ praz užo ahučanuju pa telebačańni reakcyju prapahandystaŭ. Da taho ž, napiaredadni maci Śviatłany zvanili ananimy, jakija «nastojliva rekamiendavali» nie chavać jaje na radzimie.
«A maci tak chacieła Śvietku pachavać doma, što nam pra heta nie skazała. I tolki potym inšyja svajaki skazali. A jana hety fakt zamoŭčvała, bajałasia, što my nie pryviaziom, — kaža Siarhiej. — Ale samaje hałoŭnaje — heta toje, što Śvietu pachavali na radzimie».
Śviatłana Kurs była pachavanaja 22 žniŭnia.
Ambasada nie adkazvała, tamu siamja Śviatłany Kurs sama šukała sposab pieravieźci jaje prach
Jabłyk na mahile Śviatłany Kurs FOTAFAKT
Syn i muž Śviatłany Kurs raskazali pra jaje apošnija dni
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje11
Kamientary
[Zredahavana]
Nie pavažajuć žyvych, nie pavažajuć i pamierłych.
Parušany ŭžo niejkija tradycyjnyja kody nacyi: adčapicca ad pamierłych, supakoicca, dać zrabić pa-ludsku.
Zdajecca, mahli b choć u hetym mieć ahulnyja pohlady niezaležna ad palityčnych. A nie, i tut defarmacyja ŭ niejki satanizm (kažu jak ateist). U sučasnuju epochu pačałosia jašče z "dobraŭładkavańniaŭ" mohiłak (Vajskovyja mohiłki), z budoŭli na mohiłkach (Załatahorskija).
Eto vłasť okupacionnaja i biełarusy dla nich nie ludi
Nieužieli nie došło?