6 listapada adbyŭsia pazačarhovy schod akcyjanieraŭ Aršanskaha avijaramontnaha zavoda (AARZ). 99,08% akcyj pradpryjemstva pierajšło pad kantrol dziaržkampanii «Biełśpiecźnieštechnika», paviedamlaje Tut.by.
«Siońnia adbyŭsia pazačarhovy schod akcyjanieraŭ. Byłyja bujnyja akcyjaniery [AARZ] pieradali svaje akcyi «Biełśpiecźnieštechnicy». Taksama była zaćvierdžana struktura karparatyŭnaha kiraŭnictva», — skazaŭ pradstaŭnik Aršanskaha avijaramontnaha zavoda.
Nahadajem, u 2012 hodzie pa rasparadžeńni Alaksandra Łukašenki dziaržpakiet akcyj AARZ kupiła ŭkrainskaja kampanija «Motor Sič», padkantrolnaja Viačasłavu Bahusłajevu (kala 60% akcyj), i «Sistemy inviestycyj i inavacyj» Alaksandra Sadovaha (amal 40%). Biełaruskaja i ŭkrainskaja kampanii płanavali na praciahu 2012-2016 hadoŭ inviestavać u rekanstrukcyju, madernizacyju vytvorčych mahutnaściej AARZ kala 12 miljonaŭ dalaraŭ, stvaryć zvyš 300 pracoŭnych miescaŭ. Inviestary mieli namier ukłaści surjoznyja srodki ŭ raźvićcio sacyjalnaj śfiery zavoda i miastečka Bałbasava, dzie znachodzicca zavod. Ale nie ŭsio ŭdałosia realizavać.
Zavod mocna padkasiŭ kanflikt Rasii z Ukrainaj, u vyniku čaho pastaŭki ŭ Rasiju byli zabłakavanyja. Z prycełam na rasijski rynak ukrainskaja kampanija i vykupiła biełaruski zavod.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca8
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary