Na hadavinu śmierci rok-paeta Michała Aniempadystava na TuzinFM prezentavany aŭdyjoreliz, u jaki ŭvajšli pieśni na jahonyja słovy ŭ vykanańni Lavona Volskaha, Kasi Kamockaj i Źmitra Vajciuškieviča.
«Hety zapis rabiŭsia ŭ abstavinach vialikaha šoku. Na čaćviorty dzień, kali Michał Aniempadystaŭ pajšoŭ u inšy śviet. I my nie mahli nie adhuknucca na jahony sychod. Byŭ dadatkovy, treci zapar zdymačny dzień na placoŭcy Belsat Music Live. Viadoma ž, nie zaplanavany zahadzia. Padavałasia, što ŭsia kamanda miełasia być zmučanaj darešty. Ale niejkaja niezvyčajnaja enerhietyka adčuvałasia ŭ hety dzień. Jak skazaŭ niechta z našaje kamandy, było takoje adčuvańnie, što Michał niedzie tut pobač, naziraje za pracesam, pa-svojmu ŭśmichajecca i nadaje nam siły. Kožny z udzielnikaŭ zdymak tady zrabiŭ prosta nievierahodnaje, kab zapis adbyŭsia na naležnym uzroŭni i svoječasova pabačyŭ śviet», — havorycca ŭ relizie.
Za siem hadzinaŭ u studyi tady byli zapisanyja ŭžyvuju 7 piesień. Častka ź ich jašče nie hučała ŭ elektryčnaści ŭ hetym stahodździ. Vialikuju rolu syhraŭ prafesijanalizm muzykaŭ hurta Lavona Volskaha — Alesia-Franciška Myškieviča i Paŭła Trypucia, da ich dałučylisia Michaił Pienda i Kanstancin Haračy. Litaralna za dvoje sutak jany razvučyli ŭvieś materyjał, tak što kožnaja pieśnia prahučała ŭ poŭnym huku. Vydatna spracavali, niahledziačy na abstaviny i sumnuju nahodu, i sami vykanaŭcy. Zapis i źviadzieńnie zrabiŭ Andrej Akataŭ.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam25
Kamientary