Sabrali ŭ sekand-chendzie 5 vobrazaŭ pa apošnich trendach
Palaŭničyja na ŭnikalnyja rečy nikoli nie abminajuć sekand-chendy — tam možna adšukać cikavyja abnoŭki pa nievialikim košcie. A ci ŭdasca adziecca ŭ sekandzie pa apošnich trendach? «Naša Nina» pahladzieła pakazy viadomych dyzajnieraŭ i pasprabavała sabrać modnyja vobrazy.
Pad fota možna ŭbačyć, što kolki kaštavała, a ŭ kancy — prahałasavać za kamplekt, jaki atrymaŭsia najbolš udałym.
Sukienka kraše
Ažurnaja viazka kručkom milhała na pakazach u Chloé i Oscar de la Renta. Hetaja sukienka — ź imitacyjaj placieńnia kraše (z sapraŭdnym kaštavała b šalonych hrošaj — ručnaja praca jak-nijak). Nieonavy ružovy koler taksama ŭ trendzie. Dapaŭniajem vobraz kłatčam z karunkami i abutkam na plecienaj padešvie (zastałosia tolki znajści novyja matuzki dla jaho) — i možna iści na špacyr pa letnim horadzie.
Karaleŭskaja parča
Tkanina, jakuju lubili karaleŭskija asoby, znoŭ pryjšłasia daspadoby dyzajnieram. Nie budziem supiarečyć! Dla štodzionnaha vobrazu parča zanadta pafasnaja, a voś dla viačerniaha vychadu moža padyści. Pad sukienku znajšli tufli ź mietaličnym blaskam na šyrokim abcasie — takija lohka mahli b źjavicca ŭ novaj kalekcyi Zara.
Źmiainyja lehinsy i karotki top
Animalistyčnyja prynty — zaŭsiody sprečny trend. Ale my vyrašyli ryzyknuć i vybrali štany a-la skura pitona (heta modna, prosta paviercie). Vierch — karotki spartyŭny top i pinžak (uziali bieły, bo heta adzin z hałoŭnych koleraŭ biahučaha siezonu). Sumačka — kłasičny fason ad Šanel.
Etnika
Etničnyja matyvy zaraz vielmi aktualnyja. Tamu šukajcie rečy ź jarkim arnamientam. A jašče dyzajniery prapanujuć nasić ekstremalna karotkija spadnicy. Pryvitańnie vam z mody nulavych!
Haroch i «varonki»
U liku trendaŭ — varanyja džynsy z 1980-ch i ramantyčny haroch. My vybrali kłasičny čorna-bieły prynt, ale inšyja varyjacyi taksama vitajucca. Zamšavyja basanožki — modnaha ciopła-karyčnievaha koleru (Instytut koleru Pantone nazyvaje heta adcieńnie «tofi»).
{POLL#872}
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy22
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary