Transhiendar z Maładziečna ažaniŭsia ŭ rasijskaj turmie
U maskoŭskim SIZA №6 adbyłosia pieršaje viasielle transhiendara-źniavolenaha. Nazar zaručyŭsia sa svajoj kachanaj Alenaj.
Alena ŭspaminaje historyju ich znajomstva. Heta było 17 hadoŭ tamu. Joj było tady 33, a Nazaru — 21. Alena pracavała kasiram u kinateatry ŭ maskoŭskim handlovym centry «Kałužski».
— U nas pamiž kasaj i naviedvalnikami šklanyja pieraharodki źvierchu i źnizu, a pamiž imi praśviet. I voś u hetuju nišu ŭpała ruža. Ružovaha koleru. Ja padniała vočy — hladžu, staić pierada mnoj ci to dziaŭčyna, ci to chłopiec (apranaŭsia jak chłapčuk), — raspaviadaje «MK» Alena.
Nazar (tady jašče jon byŭ aficyjna Nastaj), jak akazałasia, pracavaŭ u hetym ža handlovym centry ŭ adnoj ź firmaŭ. Jon zaprykmieciŭ dziaŭčynu. U toj viečar, kali Alena skončyła pracavać, jany sustrelisia i pahavaryli. Spačatku razmaŭlali jak dźvie siabroŭki. Ale ŭžo na treciuju sustreču Nazar skazaŭ, što adčuvaje siabie mužčynam i ŭ jaho jość dakładny płan źmianić poł. A Alena nieŭzabavie zrazumieła, što lubić hetaha čałavieka.
3 vieraśnia Nazar i Alena ažanilisia.
Nazar Hulevič naradziŭsia ŭ Maładziečnie. U minułym žyćci jaho zvali Nastaj. Jašče ŭ škole jon zrazumieŭ, što identyfikuje siabie ź inšym połam.
Nazar Hulevič akazaŭsia ŭ maskoŭskim SIZA pa abvinavačvańni ŭ machlarstvie. Mužčynu pa dakumientach i žančynu pa fizijałohii spačatku nakiravali ŭ mužčynski izalatar. Niejki čas Nazar pravioŭ u balnicy «Matroskaj cišyni», a potym jaho ŭsio-tki pieraviali ŭ žanočy izalatar, spasłaŭšysia na toje, što ŭ pieršuju čarhu ŭ raźlik treba brać fizijałohiju.
Kamientary