Pucin i Łukašenka padrychtavali nam navahodni padarunak, pra jaki my mahli tolki maryć?
Kreml vusnami Piaskova prapanavaŭ u adnosinach ź Biełaruśsiu «apakaliptyčnyja scenary» nie abmiarkoŭvać — «pakul».
U svaju čarhu, Alaksandr Łukašenka daŭ zahad uradu zabiaśpiečyć ŭžo u najbližejšyja dni pastaŭku nafty z alternatyŭnych krynic. Pierš za ŭsio razmova idzie ab pastaŭkach čyhunačnym transpartam z partoŭ na Bałtycy, a taksama ab zadziejničańni dla alternatyŭnych pastavak naftapravoda «Družba».
A 4 studzienia — tak supała — u Minsk upieršyniu za 27, kali nie pamylajusia, hadoŭ prybudzie dziaržaŭny sakratar ZŠA.
Pastaŭki nafty i hazu z Rasii pa subsidavanych cenach — heta i jość taja švorka, na jakoj hetyja dziesiacihodździ trymali i biełaruskuju ekanomiku, i hramadstva. Za tanny haz biełarusy płacili rusifikacyjaj i pryviazkaj da rasijskaj sistemy. Pierachod na zakup nafty i hazu pa rynkavych cenach — heta baluča, ale nie śmiarotna. Kuplajuć ža pa takich cenach i Estonija, i Litva, i Słavakija, i Małdova, i ničoha — žyvuć. Pierajšli jany na rynkavyja ceny ŭ rozny čas, i Biełaruś niepaźbiežna taksama piarojdzie, i lepš raniej, čym paźniej.
Łukašenka sioleta pramoviŭ šmatznačnaje «Ja nie tak užo i trymajusia za ŭładu» — źmiena farmatu adnosin z Rasijaj niepaźbiežna paciahnie i pierafarmatavańnie adnosin ułady i hramadstva ŭ Biełarusi.
Usie čakali, što pieramovy z Rasijaj skončacca čarhovym kampramisam i zachavańniem status-kvo. Usie mierkavali, što pierachod na rynkavyja ceny mahčymy tolki ŭ dalokaj budučyni. Kryzisy, padobnyja da sioletniaha, byvali ŭ adnosinach z Rasijaj užo nie raz.
Tamu kali b pierachod na rynkavyja pryncypy zdaryŭsia užo z hetaha 1 studzienia, heta byŭ by najlepšy navahodni padarunak, pra jaki biełaruskaje hramadstva mahło tolki maryć.
Inšaja reč — što budzie ŭ kamplekcie z padarunkam. Bo adbyvajecca hetaje abvastreńnie na fonie doŭhich i niezrazumiełych pieramoŭ. Ci nie aznačaje heta pačatak ekanamičnaj błakady Biełarusi Rasijaj pa ŭsich frantach z metaj zmusić da anšlusu? Ci zmožam my heta vytrymać, jak vytrymali ŭ svoj čas tyja ž Litva, Estonija ci Ukraina?
Usio heta pakul hipatetyčnyja pytańni, a najbolš imaviernym vyrašeńniem kryzisu na siońnia padajecca ŭsio ž čarhovy kampramis.
-
Biełaruski muziej imia Ivana Łuckieviča rychtuje vystavu da 120‑hodździa «Našaj Nivy» i prosić dapamahčy z ekspanatami
-
«Naša Niva» atrymała try žurnalisckija premii. Siarod pieramožcaŭ Buhaj i Roŭda
-
Cichanoŭski i Piatruchin raspaŭsiudzili novuju łabudu: što palitviazień Papoŭ atrymaŭ 16 hadoŭ turmy z-za publikacyi «NN»
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary