Karanavirus: Šviecyja spyniaje poŭny ŭlik infikavanych i špitalizacyju maładych — zanadta doraha
Šviecyja budzie teściravać na karanavirus tolki špitalizavanych i z hrup ryzyki. Maładym prapanujecca pierachvareć doma.
U suviazi z rezkim rostam kolkaści vypadkaŭ karanavirusa i kolkaści achvotnych pravierycca ŭ Stakholmie pierachodziać na novyja pryncypy teściravańnia, paviedamlaje vydańnie Dagens Nyheter.
«Ciapier my musim pryniać jak fakt toje, što infiekcyja ŭžo raspaŭsiudziłasia ŭnutry krainy i nam zastajecca zrabić usio, kab joju zaraziłasia jak maha mienš ludziej», — paviedamiŭ Eryk Bierhłund, kiraŭnik pres-słužby rehijona Stakholm.
Pačynajučy ź sierady, testy na karanavirus buduć rabić tolki tym, u kaho jość patreba ŭ špitalizacyi.
«Kali vam 20 hadoŭ i vy čałaviek biez chraničnych zachvorvańniaŭ, vam treba prosta pasiadzieć doma i pierachvareć. Navat kali ŭ vas jość simptomy karanavirusa, test vam rabić nie buduć. Niezaležna ad taho, ci byli vy ŭ kantakcie z nośbitami karanavirusa albo nie», — paviedamiŭ čynoŭnik.
Maładym infikavanym rekamiendujecca prosta zastavacca doma i nie kantaktavać ź ludźmi.
U toj ža čas starych ludziej z padazreńniem na karanavirus budzie naviedvać śpiecyjalnaja bryhada miedykaŭ i test pravodzicca budzie.
Rašeńnie abmiežavać vyjaŭleńnie zaražanych było pryniataje, bo raniejšy padychod patrabavaŭ zašmat resursaŭ. «Achova zdaroŭja pavinna baranić słabiejšych», — skazaŭ čynoŭnik.
Heta aznačaje, što Šviecyja admaŭlajecca ad dalejšaha poŭnaha ŭliku infikavanych i ich koła kantaktaŭ dziela ekanomii srodkaŭ.
Pa stanie na 16.00 12 sakavika ŭ Šviecyi było zafiksavana 599 zaražeńniaŭ.
Ciapier čytajuć
Voś jakoje charastvo za 40 miljonaŭ dalaraŭ pradaje siabar-trenier Łukašenki1
Voś jakoje charastvo za 40 miljonaŭ dalaraŭ pradaje siabar-trenier Łukašenki
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary