U Dokšycach pamierli jašče dvoje, jakija byli na štučnaj vientylacyi lohkich. Usiaho nam viadomyja ŭžo siem pamierłych
U Dokšycach, adnym z epicentraŭ zachvorvańnia na pnieŭmaniju, za dva dni pamierli jašče dva čałavieki. Abodva znachodzilisia na štučnaj vientylacyi lohkich.
Pra heta «Našaj Nivie» paviedamili rabotniki balnicy.
Čytajcie. Dokšyckaja plama. Za niekalki dzion u maleńkim haradku ad pnieŭmanii pamierli, jak minimum, troje
U piatnicu pamior techničny rabotnik miascovaha Doma kultury, B.
U subotu stała viadoma pra śmierć jašče adnaho pacyjenta, Piatro K. Jon chvareŭ na cukroŭku i niadaŭna viarnuŭsia ź lačeńnia ŭ Minsku. U mužčyny ŭźniałasia tempieratura, jon pryjšoŭ u balnicu, ale ŭpaŭ prosta ŭ rehistratury. Jaho zabrali ŭ reanimacyju, sutki mužčyna pratrymaŭsia na aparacie štučnaj vientylacyi lohkich.
Ahułam dokšyckija miedyki paviedamlajuć na hety momant pra siem pamierłych pacyjentaŭ.
Kamientary