Minadukacyi: Toje, što Hannu Sieviaryniec nie zvalniajuć, demanstruje humanizm ułady
Ministerstva adukacyi adreahavała ŭ svaim telehram-kanale na zvarot biełaruskich nastaŭnikaŭ, jakija ŭ adkrytym liście na imia ministra Karpienki zaklikali nie pazbaŭlać atestacyi dziaciej, jakija navučajucca doma.
Čytajcie taksama: Nastaŭniki źviartajucca da ministra Karpienki: Pazbavić atestacyi dziaciej, jakija navučajucca doma — niepiedahahična i nie pa-ludsku
Pa-pieršaje, adznačaje ministerstva, da publikacyi hetaha adkrytaha lista bujnyja niedziaržaŭnyja partały nibyta «pierakonvali nasielnictva ŭ tym, što biełaruskaja škoła nie moža pracavać dystancyjna».
«Adnak ź lista Hanny Sieviaryniec možna daviedacca, što nastaŭniki spravilisia z dystancyjnaj formaj i navat «maksimalna efiektyŭna naładzili navučalny praces». ŚMI elehantna «pieraabulisia ŭ skačku»», — paviedamlaje ministerstva.
Pa-druhoje, adznačaje ministerstva, apazicyjnyja ŚMI «rehularna paviedamlajuć pra toje, što nastaŭniki zahružanyja niecharakternaj pracaj».
«Adnak na prykładzie Hanny Sieviaryniec čytač moža ŭbačyć, što radavy nastaŭnik maje masu volnaha času dla razdačy intervju, napisańnia błohaŭ, sačynieńnia adkrytych listoŭ, viadzieńnia sacyjalnych sietak i inšych formaŭ volnaha času», — piša telehram-kanał ministerstva.
Pa-treciaje, zaŭvažaje ministerstva adukacyi, «u apazicyjnych ŚMI ciapier «razhaniajecca» tezis pra krajniuju represiŭnaść biełaruskaj sistemy adukacyi, dzie nastaŭniki nibyta strašna zapałochanyja, zaležnyja, nie majuć ułasnaha mierkavańnia».
Na dumku ministerstva, prykład Hanny Sieviaryniec śviedčyć pra inšaje.
«U našaj krainie nikoha nie pazbaŭlajuć prava na prafiesiju, nie zvalniajuć z pracy, dajuć svabodna vykazvacca, krytykavać uładu, paviedamlać svajo vielmi kaštoŭnaje mierkavańnie i pisać adkrytyja listy», — piša ministerstva.
Što tyčycca kankretnych mier pa arhanizacyi navučalnaha pracesu, to jany, paviedamlaje ministerstva, «pravodziacca ŭ rečyščy raniej vypracavanych, adobranych i publična ahučanych prezidentam rašeńniaŭ».
Kamientary