Adbyłasia najbujniejšaja ŭ historyi ŭciečka parolaŭ: skampramietavanyja 16 miljardaŭ łahinaŭ Apple, Facebook i Google
Kibierekśpierty paviedamlajuć pra biesprecedentny ŭzłom, padčas jakoha ŭ adkryty dostup trapili kala 16 miljardaŭ łahinaŭ i parolaŭ ad samych papularnych internet-servisaŭ. Karystalnikam rajać terminova mianiać paroli i vykarystoŭvać dvuchfaktarnuju aŭtaryzacyju, kab abaranicca ad mahčymych nastupstvaŭ hetaj ataki, piša Forbes.
Pa danych daśledčykaŭ, hetaja ŭciečka — vynik dziejnaści niekalkich hrup kibierzłačyncaŭ, jakija vykarystoŭvali śpiecyjalizavanyja prahramy dla kradziažu danych.
Atrymanyja imi łahiny i paroli ciapier pradajucca na čornym rynku, što stvaraje surjoznuju pahrozu pryvatnaści i biaśpiecy miljardaŭ karystalnikaŭ va ŭsim śviecie.
Usiaho vyjaŭlena kala 30 baz danych, u kožnaj ź jakich ad dziasiatkaŭ miljonaŭ da 3,5 miljarda zapisaŭ. Atrymanyja łahiny i paroli ŭžo trapili na čorny rynak, dzie ich možna nabyć za adnosna nievialikija hrošy.
Ekśpierty papiaredžvajuć, što nastupstvy takoj uciečki mohuć być vielmi surjoznymi: karystalniki mohuć sutyknucca z kradziažami asabistaj infarmacyi, finansavymi machinacyjami, a taksama ŭzłomam ulikovych zapisaŭ u sacyjalnych sietkach i inšych servisach.
Bolšaść danych strukturavany ŭ farmacie: URL, zatym danyja ŭlikovaha zapisu i parol. Pavodle daśledčykaŭ, heta adkryvaje šlach da praktyčna luboha anłajn-siervisu: Apple, Facebook, Google, GitHub, Telegram i roznych dziaržaŭnych servisaŭ.
Kab abaranić siabie, śpiecyjalisty nastojliva rekamiendujuć nie čakajučy nastupstvaŭ prosta ciapier:
terminova źmianić usie važnyja paroli;
nie vykarystoŭvać adzin i toj ža parol dla roznych sajtaŭ i servisaŭ;
vykarystoŭvać dvuchfaktarnuju aŭtaryzacyju i inšyja sučasnyja mietady aŭtentyfikacyi;
budźcie ŭvažlivyja da padazronych spasyłak i paviedamleńniaŭ, asabliva praz SMS i elektronnuju poštu.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB31
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
Uciečka (nie "ŭzłom" abo "źliŭ").