Pasłuchajcie, što havoryć pałkoŭnik rasijskaj palicyi ŭ adstaŭcy, jakoha zatrymali za ŭdzieł u strymie Cichanoŭskaha VIDEA
U vioscy Prusy Pastaŭskaha rajona 8 maja za ŭdzieł u strymie Siarhieja Cichanoŭskaha zatrymali 49-hadovaha Andreja Novikava — byłoha pałkoŭnika MUS Rasii. Mužčynu advieźli ŭ Pastavy i paśla składańnia pratakoła pavodle art. 23.34 KaAP źmiaścili ŭ izalatar časovaha ŭtrymańnia.
A voś toje videa, za jakoje, možna mierkavać, zatrymali Novikava. Jano havoryć samo za siabie.
Jak akazałasia, Novikaŭ vyras u Pastaŭskim rajonie, ale ŭ 16 hadoŭ pastupiŭ u vajskovaje vučylišča, paśla čaho słužyŭ u Rasii. A kali vyjšaŭ na piensiju, viarnuŭsia žyć na baćkaŭščynu.
U videa vyšej vy možacie bačyć taksama situacyju ŭ hetym zachodniebiełaruskim rajonie.
Pra zatrymańnie Novikava paviedamiła žonka zatrymanaha Volha, piša «Viciebskaja viasna».
Andrej budzie znachodzicca ŭ IČU da paniadziełka 11 maja. U paniadziełak jaho buduć sudzić.
Jaho abvinavačvajuć va ŭdziele ŭ niesankcyjanavanym pikietavańni.
«Ja nie viedaju, što rabić! Zastałasia adna z dvuma dziećmi na rukach: adnamu ŭsiaho 10 miesiacaŭ, druhoje — ź invalidnaściu. I jašče haspadarka ŭsia na mnie…» — narakaje Volha.
Pa słovach žančyny, jaje muž sapraŭdy jeździŭ u Varapajeva, kali tudy pryjazdžaŭ Siarhiej Cichanoŭski. «Ale ja nijak nie mahu zrazumieć, u čym vinavatyja ludzi, jakija ź im sustrakalisia i jakoje tam mahło być pikietavańnie? Ludzi ž nievinavatyja!» — upeŭnienaja Volha.
Andrej Novikaŭ słužyŭ raniej u rasijskim MUS, jon pałkoŭnik palicyi na piensii, zajmaŭ vysokuju pasadu načalnika UUS. Čatyry hady tamu syšoŭ na piensiju i pierajechaŭ žyć u Biełaruś. Maje hramadzianstva RF i dazvoł na žycharstva ŭ Biełarusi.
Za apošnija dni byli zatrymanyja niekalki ŭdzielnikaŭ sustrečaŭ ź Cichanoŭskim. Sam błohier atrymaŭ 15 sutak aryštu.
Videa Siarhieja Cichanoŭskaha, jaki jeździć pa krainie i zapisvaje, što kažuć ludzi, nabirajuć sotni tysiač prahladaŭ. Błohier Cichanoŭski zajaviŭ pra svoj namier bałatavacca ŭ prezidenty. U toj ža čas jon adkryta kaža, što nie maje iluzij nakont sumlennaści padliku hałasoŭ i zajaŭlaje pra patrebu vuličnych pratestaŭ, kab dasiahnuć pieramien.
-
MZS Biełarusi zaklikała Litvu kančatkova ŭrehulavać situacyju na sumiesnaj miažy, zajaviŭšy pra vašynhtonski abkam
-
Adzinyja ŭ Biełarusi stohadovyja dvajniaty adznačyli jubilej
-
Były palitviazień Juraś Ziankovič prypłyŭ na kruiznym karabli ź Jeŭropy ŭ Amieryku i padzialiŭsia jarkimi ŭražańniami ad padarožža
Ciapier čytajuć
Zmročnyja prahnozy spraŭdžvajucca. Čamu Zachad abiraje stratehiju «Nie złavać dzieda» i čaho čakać dalej2
Kamientary