U Hrodnie dziaŭčyna zastałasia biez zuba, kupiŭšy ŭ «Karonie» šaŭrmu
Žycharka Hrodna atrymała niepryjemny dośvied paśla taho, jak kupiła šaŭrmu ŭ kulinarnym adździele handlovaha centra «Karona». Unutry byŭ kavałak kurynaj kostki, praz heta, sa słoŭ dziaŭčyny, u jaje navat adkałołasia častka zuba. Pra heta hrodzienka raskazała ŭ sacyjalnaj sietcy Threads, zaŭvažyła vydańnie Blizko.by.
Paśla zdareńnia dziaŭčyna źviarnułasia da supracoŭnikaŭ kramy. Joj viarnuli hrošy, ale najaŭnymi, choć pakupka była apłačana kartkaj. Taksama dziaŭčynu ździviła, što joj nie dali knihu skarhaŭ. Paźniej jana pakinuła pretenziju na sajcie handlovaha centra i ź joj źviazaŭsia pradstaŭnik kramy, jaki prapanavaŭ kampiensacyju tolki paśla lačeńnia, ale biez aficyjnych harantyj u vyhladzie raśpiski.
Tamu dziaŭčyna aścierahajecca, što jaje mohuć pakinuć biez kampiensacyi, bo da stamatołaha trapić tolki praz dva miesiacy, a da taho času pra jaje prablemy «zabuducca».
Śpiecyjalisty ŭ takich situacyjach rajać źviartacca ŭ adpaviednyja kantrolnyja słužby i patrabavać ad ustanovy aficyjnyja dakumienty ab abaviazacielstvach, kab pry nieabchodnaści mieć padstavy dla sudovaha razhladu.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary