Viadučy ANT źviarnuŭsia da kaleh: Z «takim» telebačańniem mnie nie pa darozie
Adzin ź viadučych hulni «Pośpiech u prydaču z «Jeŭraopt» na telekanale ANT Artemis Achpaš źviarnuŭsia ŭ sacsietkach da kaleh: žurnalistaŭ, viadučych i dyktaraŭ telebačańnia.
«Kožny raz, kali z ekranaŭ TB/radyjo vy pramaŭlajecie adkrytuju chłuśniu pra padziei, jakija adbyvajucca, što vy adčuvajecie, prychodziačy dadomu? Niaŭžo ŭ svajoj «słužbovaj kvatercy» vy nastolki zabyvajecie pra ŭsio? Vas usio zadavalniaje?
Dla mianie vy ničym nie lepšyja, a to i horšyja za tych pradstaŭnikoŭ «pravaachoŭnych orhanaŭ», jakija ni za što «pakujuć» ludziej u aŭtazaki. A ludzi, jakich zatrymlivajuć, nie ekstremisty, nie terarysty, nie ŭzbrojenyja bandyty — heta takija ž biełarusy, jakija prosta vyjšli na vulicu, kab adnoj svajoj prysutnaściu pakazać svajo staŭleńnie da ciapierašnich padziej. Inšaha sposabu vykazać svaje pačućci i mierkavańnie ŭ nas nie zastałosia. Niaŭžo vy zhodnyja i dychać pa ŭkazcy?» — napisaŭ jon.
Jon adznačyŭ, što za ŭsie 10 hadoŭ pracy na TB rady, što nikoli nie źjaŭlaŭsia instrumientam prapahandy.
«U ćviarozym rozumie ja ŭśviedamlaju, što paśla hetaha zvarotu dostup na TB mnie budzie zakryty. Z «takim» telebačańniem mnie nie pa darozie», — napisaŭ viadučy.
Arciemis Achpaš patłumačyŭ karespandentu «Našaj Nivy», što supracoŭničaje z ANT jak indyvidualny pradprymalnik. Supraca, naturalna, budzie spyniena.
«Ja prosta nie chaču dalej mieć spravy niejkija adnosiny z našym biełaruskim telebačańniem takim, jakim jano jość u hety momant. Kali jano pamianiajecca, to, moža, i viarnusia ŭ prafiesiju», — reziumavaŭ jon.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary