Ihumieńnia Haŭryiła, jakaja nazyvała pratestoŭcaŭ varjatami i siektantami, naviedała Hrodzienskuju abłasnuju milicyju i padaryła tarty FOTAFAKT
10 listapada ŭ dzień ušanavańnia vieteranaŭ orhanaŭ unutranych spraŭ i ŭnutranych vojskaŭ UUS Hrodzienskaha abłvykankama naviedała ihumieńnia žanočaha manastyra Hrodna Haŭryiła. U asobie kiraŭnikoŭ UUS, načalnikaŭ upraŭleńniaŭ, adździełaŭ i słužbaŭ nastajacielnica padziakavała dziejučym i byłym achoŭnikam pravaparadku za zabieśpiačeńnie asabistaj i majomasnaj biaśpieki žycharoŭ i haściej Hrodna.
«Šanoŭnyja maje, usie ludzi vam udziačnyja za toje, što vy mužna, ćviorda, ščyra, addana lubicie svaju Radzimu. Jakija b ni byli ŭ nas u krainie ŭnutranyja supiarečnaści, — a jany nie mohuć nie być, tamu što ŭsie ludzi roznyja, — usio heta projdzie. Bo navat u Śviatym Pisańni dapuskajecca raznadumstva, ale tolki razumnaje. Dziakuj vam, što vy ŭ nas jość i što možna da vas źviarnucca», — padziakavała Haŭryiła.
«Kali čujecie niejkija dakory ŭ svoj adras, a jašče strašniej — praklony, nie bojciesia, jany nie zakranuć vas. Nie adkazvajcie. Vy ŭsio roŭna ničoha nie dakažacie. Ludzi, jakija paddalisia zaklikam tielehram-kanałaŭ, bolš nikoha nie čujuć. Taki čas nadyšoŭ: abaraniać svaju radzimu nie na słovach, a realna, na spravie», — skazała jana.
BPC admiežavałasia ad hnieŭnaj pramovy ihumieńni Haŭryiły na prałukašenkaŭskim kancercie
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary