Eks-vydaŭcu «Novaj haziety Smarhoni» Ramualdu Ułanu dali 2,5 hoda «chimii» za listoŭki pra milicyjanieraŭ
5 studzienia ŭ sudzie Smarhonskaha rajona abviaścili prysud pradprymalniku i byłomu ŭładalniku i redaktaru «Novaj haziety Smarhoni» Ramualdu Ułanu. Jaho pryznali vinavatym u parušeńni artykuła 188 Kryminalnaha kodeksa «Paklop». Sud pryznaŭ Ułana vinavatym u raspaŭsiudžańni niepraŭdzivych źviestak. Pastanavili asudzić jaho na 2 hady i 6 miesiacaŭ z nakiravańniem u papraŭčuju ŭstanovu adkrytaha typu i spahnać pa 300 i 500 rubloŭ paciarpiełym, paviedamlaje Rehijanalnaja hazieta.
Pačuŭšy prysud, ludzi ŭ sudovaj zale skandavali «Hańba!»
Takim čynam patrabavańnie dziaržaŭnaha abvinavaŭcy zadavolenaje častkova. Pryhavor nie ŭstupiŭ u zakonnuju siłu.
Maksimalnaje pakarańnie, jakoje praduhledžvaje artykuł 188 — abmiežavańnie svabody terminam da troch hod. Mienavita takuju sankcyju zapatrabavaŭ dziaržaŭny abvinavaŭca, a taksama kampiensacyju paciarpiełym u pamiery 1000 rubloŭ kožnamu.
Ułanu pastavili ŭ vinu toje, što jon raspaŭsiudziŭ zaviedama niepraŭdzivyja źviestki, jakija hańbiać honar i hodnaść milicyjanieraŭ. Paciarpiełymi pa spravie prachodzili siamiora supracoŭnikaŭ Smarhonskaha rajadździeła milicyi. Spravu razhladaŭ sudździa Siarhiej Bołandź, dziaržaŭnym abvinavaŭcam vystupiŭ Andrej Kłyševič.
24 vieraśnia ŭ haradskoj supołcy Ukantakcie «Čutki Smarhoń» raźmiaścili post z karcinkaj z multfilma «Tom i Džery», dzie kot adčyniaje dźviery, u jakija ŭvachodzić niekalki inšych katoŭ. Źvierchu nadpis «Kali ciabie pakryŭdzili ŭ «Čutkach» i ty zavieš padtrymku». Źvierchu aŭtar publikacyi napisaŭ: «Kali nie abaroniać, to choć pałajkajuć. Znajoma?».
Pad hetym pastom Ramuald Ułan raźmiaściŭ dva kamientary, za jakija pradprymalnika i pryciahnuli da adkaznaści.
Na sudovym pasiadžeńni Ułan vinu całkam nie pryznaŭ, chacia nie admaŭlaŭ, što fotazdymki listovak i podpisy raźmiaściŭ jon.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary