Žurnalistka Kaciaryna Barysievič zastajecca ŭ SIZA. Pajšoŭ užo treci miesiac źniavoleńnia
19 studzienia prajšli dva miesiacy z momantu zatrymańnia žurnalistki TUT.BY Kaciaryny Barysievič, na volu jana nie vyjšła, miera strymańnia nie źmienienaja, heta značyć, jana praciahvaje znachodzicca ŭ śledčym izalatary.
Terminy padaŭžeńnia miery strymańnia nie vydajucca, pakolki Hienprakuratura ličyć heta tajamnicaj śledstva. Druhi abvinavačany pa spravie, doktar Arciom Sarokin, taksama pad vartaj, niahledziačy na pryznańni, jakija jon dvojčy ahučyŭ dla dziaržaŭnaha telebačańnia, piša Tut.by.
Kaciaryna Barysievič była zatrymanaja 19 listapada. Paźniej joj i Arciomu Sarokinu vystavili abvinavačvańnie ŭ «razhałošvańni miedycynskaj tajamnicy, jakoje paciahnuła ciažkija nastupstvy» (č. 3 art. 178 KK RB). Padstavaj staŭ apublikavany 13 listapada artykuł, u jakim havaryłasia, što ŭ kryvi Ramana Bandarenka nie było ałkaholu. Heta razychodzicca ź viersijaj SK i Alaksandra Łukašenki. Pry hetym rodnyja Ramana da žurnalistki i doktara pretenzij nie majuć.
Adznačym, što za źbićcio Ramana Bandarenki nichto nie zatrymany, bolš taho — da hetaha času nie zaviedziena kryminalnaja sprava, rodnyja nie pryznanyja paciarpiełymi.
Mižnarodnaja pravaabarončaja arhanizacyja Amnesty International pryznała Kaciarynu Barysievič i Arcioma Sarokina viaźniami sumleńnia.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary