Rasijski vice-premjer ličyć našy hrošy

Kudryn siońnia adreahavaŭ na vypady Łukašenki, što prahučali ŭ piatnicu.

Pavialičyć

«Kali tyja, chto žadaje dapamahać Respublicy Biełaruś i žadaje zbałansavanaj dy stabilnaj ekanomiki, pryraŭnoŭvajucca da apazicyi, to ja tady nie razumieju, što ž patrebna Respublicy Biełaruś», — dypłamatyčna zajaviŭ jon žurnalistam.

Tak i ŭjaŭlaješ paŭzu dziela padboru eŭfiemizmu paśla «pryraŭnoŭvajucca da...». Biez dypłamatyi tre' było b kazać «…da admarozkaŭ». Mienavita takuju leksiku ŭžyŭ Łukašenka, beściačy rasijskaha vice-premjera za infarmacyjnuju bombu — zajavu pra pierśpiektyvu niepłatazdolnaści našaj dziaržavy.

Hałoŭnaje ž,

Kudryn nahadaŭ umovy, na jakich Maskva hatova kredytavać. A mienavita — biezdeficytny biudžet, zamarožvańnie zarobkaŭ, pavyšeńnie taryfaŭ, devalvacyja.

Karaciej, ceły bukiet niepapularnych, miakka kažučy, zachadaŭ. Zrešty, taho ž patrabuje i MVF. Usio bankiry skupyja i nie chočuć, kab hrošy išli na viecier. Bo čym tady addavać?

Faktyčna z abodvuch bakoŭ siońnia patrabujuć balučych reformaŭ. Jany prajšli b nie tak baluča, kab byli zładžanyja niekalki hadoŭ tamu, na piku naftahazavaha kajfu. Ale ž tak nie chaciełasia šukać dabra ad dabra. Durnica zdavałasia viečnaj.

Na naradzie 29 traŭnia Łukašenka pałochaŭ čynoŭnikaŭ strataj niezaležnaści: budziem, maŭlaŭ, korku chleba (čytaj: u Maskvy) prasić. Palitołah Valer Karbalevič zhadvaje: u 2006 hodzie na aficyjny Dzień niezaležnaści kiraŭnik patetyčna zajaviŭ, što ŭ nas całkam zavieršana budaŭnictva samastojnaj, suvierennaj dziaržavy. Zaraz ža

vyśviatlajecca, što suvierenitet visić na nitcy, my možam zastacca biez kavałka chleba. «Musić, heta i jość hałoŭny vynik 15-hadovaha kiravańnia ciapierašniaha prezidenta», — horka iranizuje ekśpiert.

Pakazalna, što dziaržaŭnaja presa stała viešać usich sabak na apazicyju, jakaja nibyta skača ad radaści, što chutka defołt. A chto ž usie hetyja hady hulaŭ u «bratniuju intehracyju» pierad impierskaj pysaj? Dyk dziva što taja pysa raziaviłasia! U Maskvie byli b apošnija durni, kab nie zachacieli skarystać ciapierašniaje adčajnaje finansava-ekanamičnaje stanovišča «siniavokaj siastry» dziela novaj sproby cichaha pahłynańnia.

Kudryn ža siońnia zahinaŭ palcy:

• tolki Rasija za apošnija paŭtara hady dała nam kredytaŭ na try miljardy dołaraŭ;

• plus niadaŭna «625 miljonaŭ dołaraŭ “Hazprom” prapłaciŭ za trubu, jašče 300 miljonaŭ dołaraŭ “Hazprom” prapłaciŭ z apiaredžańniem za tranzitnyja pastaŭki»;

• plus Biełaruś atrymała ad MVF kredyt na 800 miljonaŭ dołaraŭ;

• plus kredyt ad Vieniesueły na paŭmiljarda.

Takim čynam, Kudryn naličyŭ tolki za apošnija paŭhoda $3,7 młrd. zamiežnych finansavych ulivańniaŭ.

I ŭsio jak u prorvu. Chvalonaja «biełaruskaja madel», takim čynam, akazałasia nie hatovaj da vyklikaŭ, jana prasiadaje na vačach.

Što da surjoznaści situacyi, to adzin štrych: jak vyśvietliłasia, raschodam respublikanskaha biudžetu zroblena kryvapuskańnie de-fakta na 20%. I heta, badaj, nie apošni sioleta siekviestr, kažuć admysłoŭcy.

Sajt ža Nacbanka ŭčora prosta loh: narod łamaŭsia zirnuć, jakija kursy ustalavany na 1 červienia. Pryvid devalvacyi błukaje pa Biełarusi. I, kaniečnie ž, va ŭsim vinavaty «admarozki».

ZY. Cikavaja śviežaja infa. Ananim ź finansavych kołaŭ kaža pra novuju kursavuju palityku Nacbanka. Ciapier naš rubiel trymajuć adnosna dołara, kab nie pałochać narod, ale apuskajuć adnosna jeŭra. Kanstatujecca «nieabchodnaść vykanańnia rekamiendacyj MVF, jaki ličyć biełaruski rubiel pieraacenienym».

ZZY. Palemika pajšła na novy vitok. U aŭtorak Sidorski na Saŭminie paraŭnaŭ Kudryna z kładaŭščykom, jaki «dalej kładoŭki ničoha nie bačyć». U biełaruskaha načalstva davoli aryhinalnaja maniera prasić hrošy :)

• 0
• 0
• 0
• 0
• 0
• 0
• 0
• 0