U Viciebskuju BCHMD, dzie adbyłosia nadzvyčajnaje zdareńnie z padačaj kisłarodu chvorym na ŠVŁ — i pra jaho raspavioŭ zahadčyk adździaleńnia aniestezijałohii i reanimacyi Uładzimir Martaŭ, — znoŭ pryjechała kamisija ź Minska. Akramia taho, doktara i jaho kaleh apytaŭ śledčy. Pra heta Tut.by paviedamiŭ Uładzimir Martaŭ.
— Kamisija pryjechała ŭ balnicu 16 sakavika i jašče znachodzicca ŭ nas. Pradstaŭniki kamisii pakul sa mnoj nie razmaŭlali. U daktaroŭ, jakija dziažuryli 7 i 8 studzienia, sabrali tłumačalnyja, — raspavioŭ Uładzimir Martaŭ.
Zahadčyk adździaleńnia aniestezijałohii i reanimacyi BCHMD taksama paviedamiŭ, što situacyjaj z padačaj kisłarodu zacikaviŭsia SK:
— Pazaŭčora, 15 sakavika, mianie apytvaŭ śledčy — pra padrabiaznaści nadzvyčajnaha zdareńnia. Učora i siońnia na hetuju temu hutarać z maimi kalehami. SK praviaraje fakty, jakija ja ahučyŭ Tut.by: ci było na samaj spravie nadzvyčajnaje zdareńnie.
Vylecieła ŭ nieviadomym kirunku śpikierka KR Anžalika Mielnikava30
Kamientary