Unačy nieviadomyja časova zachapili telehram-kanał «Našaj Nivy» i vydalili 1300 padpisčykaŭ. Što heta aznačaje dla čytačoŭ?
Unačy złamyśniki časova atrymali dostup da telehram-kanała «Našaj Nivy», uzłamaŭšy akaŭnty troch supracoŭnikaŭ, u tym liku namieśnika hałoŭnaha redaktara Źmitra Pankaŭca.
Takija sproby ŭzłomu adbyvajucca druhuju noč zapar — pryblizna a 3-j nočy rabotniki «NN» atrymlivajuć paviedamleńni ab sprobie ŭzłomu.
Zachoplenyja akaŭnty redaktaraŭ źmianili nazvu kanała na nieprystojnuju, vydalili ŭsie naviny za 25 sakavika i pačali błakavać padpisčykaŭ. Jany paśpieli vydalić kala 1300 padpisčykaŭ (z bolš jak 90 tysiač, h. zn. mienš za 1,5%), pakul administratar «NN» nie viarnuŭ sabie kantrol nad kanałam.
Što rabić čytačam u takoj situacyi?
Prosim vas, šanoŭnyja čytačy, pierasłać heta paviedamleńnie svaim siabram i zakinuć u čaty i svaje kanały, kab ludzi, jakich złamyśniki vykinuli z kanała, mahli ŭbačyć infarmacyju i viarnucca da nas.
Kab padpisacca na kanał, treba pierajści ŭ @nashaniva i nacisnuć «Dałučycca da kanała». Albo skarystacca spasyłkaj-zaprašeńniem.
Ci mahli ŭzłomščyki atrymać piersanalnuju infarmacyju padpisčykaŭ?
Nie, jany bačyli tolki imia akaŭnta i vydalali karystalnikaŭ adzin za adnym.
Adnak mahčyma, što złamyśniki zavałodali ŭsimi pierapiskami Źmitra Pankaŭca. Heta važna viedać tym, chto niešta abmiarkoŭvaŭ ź imi u pryvatnaj pierapiscy.
Chto heta moh zrabić?
Nieviadoma. Ale cikava, što sprabavali ŭzłamać nie tolki telehram-akaŭnty štatnych rabotnikaŭ «Našaj Nivy», ale i pazaštatnych supracoŭnikaŭ.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary