Mastaka Alaksieja Kuźmiča, jaki sprabavaŭ zaleźci ŭ Jelisiejski pałac, adpuścili
Biełaruski mastak Alaksiej Kuźmič napisaŭ u fejsbuku, što jaho vyzvalili.
«Ja na voli. Vypuścili praz 1,5 sutak paśla aryštu. Praviarali na pradmiet datyčnaści da teraryzmu, pavieźli ŭ kryminalnuju palicyju. Śledstva ŭtrymlivaje na praviercy fota- i videafiksacyju akcyi, jakuju zdymali žurnalisty (adzin ź ich na psichijatryčnaj ekśpiertyzie). Čakajem. Spadziajusia, addaduć, i svabodu infarmacyi ŭ Francyi saromić nie buduć», — napisaŭ jon.
Mastak dadaŭ, što jaho papiaredzili, što svaim mastactvam u Francyi jamu bolš nie varta zajmacca. Inakš suprać jaho budzie zaviedzienaja kryminalnaja sprava. Pryčym i za akcyju, jakuju jon pravioŭ, i za novuju.
Alaksieja Kuźmiča zatrymali 1 krasavika, kali jon sprabavaŭ pravieści akcyju. Pry sabie jon mieŭ butelku z vadkaściu i ŭžo padpaleny kavałak tkaniny. Razam ź im zatrymali paru, jakaja supravadžała jaho, fatahrafavała i zdymała na videa jaho dziejańni.
Mastak zajaviŭ, što jon nie źbiraŭsia ździajśniać nijakaha hvałtu, a vadkaść u butelcy była biaśpiečnaj.
Pierad hetym Kuźmič u fejsbuku apublikavaŭ zvarot da prezidenta Francyi Makrona, dzie napisaŭ, što Francyja nibyta «skatvajecca da fašyzmu».
-
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy
-
Rahačoŭskaha aktyvista Dzianisa Daškieviča abvinavačvajuć u padrychtoŭcy zamachu na dziaciej Cichanoŭskaj
-
Łukašenka, razvažajučy pra dyscyplinu, uviarnuŭ frazu pa-biełarusku
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy18
Kamientary