Ministr infarmacyi Ihar Łucki pajšoŭ na pavyšeńnie — ciapier jon hałoŭny ideołah krainy
Novym ministram infarmacyi pryznačany Uładzimir Piarcoŭ.
Łucki zajmaŭ pasadu ministra infarmacyi z červienia 2020 hoda, zamianiŭšy na pasadzie Alesia Karlukieviča.
Jaho kiravańnie zapomnicca ŭdušeńniem niedziaržaŭnych ŚMI. Bolš za 400 žurnalistaŭ byli zatrymanyja. 12 zastajucca ŭ turmach pa kryminalnych spravach pry ŭchvalnym maŭčańni ministerstva. «Napeŭna, jość za što», — adkazaŭ jon na pytańnie, jak stavicca da prysudu žurnalistkam «Biełsata» Kaciarynie Andrejevaj i Darji Čulcovaj.
Uvosień Tut.by byŭ pazbaŭleny statusu ŚMI, ad žniŭnia najpapularniejšyja haziety «Narodnaja vola» i «Kamsamołka» pierastali drukavacca ŭ Biełarusi, a ŭ druhoj pałovie hoda niekalki rehijanalnych ŚMI spynili papiarovy vychad.
Narešcie, u sakaviku 2021 hoda represii raspaŭsiudzilisia na niehramadska-palityčnyja biełaruskamoŭnyja vydańni. Časopisy «Naša historyja», «Dudu» i «Aściarožna: dzieci!» byli vyhnanyja ź dziaržaŭnych sietak raspaŭsiudu, zapałonienych rasijskimi anałahami hetych publikacyj.
Łucki staŭ namieśnikam kiraŭnika Administracyi prezidenta pa ideałohii, a novym ministram infarmacyi staŭ Uładzimir Piarcoŭ. Da apošniaha času jon kiravaŭ pradstaŭnictvam teleradyjokampanii «Mir» u Biełarusi.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary