Pa dziaržpradpryjemstvach rassyłajuć papiarovuju viersiju «Žoŭtych źlivaŭ». Na joj niama vychodnych źviestak — i heta parušeńnie zakona
Adkazam na błakavańni sajtaŭ niezaležnych vydańniaŭ i prablemy z raspaŭsiudam haziet paśla vybaraŭ stała źjaŭleńnie ŭ Biełarusi šmatlikich samvydataŭ. 1 vieraśnia, naprykład, vyjšaŭ pieršy numar «Sumlennaj haziety» z pazicyjanavańniem «Pra toje, što nie pakažuć pa TB». Svaje partyzanskija listki źjavilisia ŭ mnohich rajonach Minska, u rehijonach.
Fota: Hazieta minskaj Sierabranki
2 krasavika vyjšaŭ užo 31-y numar «Sumlennaj haziety», i tut, pa tradycyi sa spaźnieńniem, pračnułasia prapahanda. Praŭładny źliŭny telehram-kanał, jaki ŭchvalaje žorstkija mietady siłavikoŭ i papularyzuje pieradačy prapahandystaŭ kštałtu Ryhora Azaronka i Julii Arciuch, pačaŭ vypuskać svoj varyjant «sumlennaj» presy.
Kali ŭ aryhinalnym varyjancie hazieta naŭprost pieradrukoŭvaje infarmacyju z pravieranych krynic i ŚMI — ad navinaŭ da intervju, to varyjant «Žoŭtych źlivaŭ» — čakana žoŭty, biez strymlivańnia ŭ abrazach i ŭkidach. Čaho tolki varty debiutny «žart» pra spartoŭku Alaksandru Hierasimieniu, jakaja nibyta «adjeła sabie tvar u Vilni». Brudna, kali viedać, što Alaksandra ciažarnaja. Ahułam ža listok amal całkam tranśluje kantent sumniŭnaha telehram-kanała.
Zroblenaja «hazieta» nibyta śpiecyjalna nieachajna, ale pretenzii navat nie da školnaj viorstki. Zhodna z «Zakonam ab ŚMI», luby samvydat nakładam bolš za 299 asobnikaŭ pavinien być aficyjna zarehistravany. A nakład praŭładnaj haziety značna bolšy — jaho ŭžo pačali prymusova raspaŭsiudžvać na dziaržaŭnych pradpryjemtvach. Pa viertykali prychodzić list z patrabavańniem raźmiaścić jaho na infarmacyjnych stendach.
Chto aŭtar hetaha samvydatu? Nieviadoma, bo na im adsutničajuć lubyja namioki na vychodnyja źviestki — ni zamoŭcy, ni nazvy drukarni, ni nakładu.
Jurysty adznačajuć, što stvaralniki traplajuć pad artykuł 23.5 KaAP «Parušeńnie zakanadaŭstva ab ŚMI» — niezakonny vyrab i raspaŭsiud pradukcyi ŚMI. Parušeńnie ciahnie na štraf u pamiery ad 20 da 30 bazavych vieličyń z mahčymaściu kanfiskacyi haziet.
Cikava, jak budzie zmahacca z hetym samvydatam MUS, z ulikam taho, jak aktyŭna zatrymlivajuć raspaŭsiudnikaŭ «pratesnaha druku».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary