Hienprakuror Švied choča pryciahnuć za hienacyd biełarusaŭ vieteranaŭ polskaj Armii Krajovaj
Pa pieršych vynikach rasśledavańnia kryminalnaj spravy ab hienacydzie biełaruskaha naroda ŭ hady Vialikaj Ajčynnaj vajny papiarednie možna zrabić zdahadku, što aficyjnyja danyja ab kolkaści źniščanaha mirnaha nasielnictva buduć značna vyšejšyja. Pra heta raspavioŭ hienieralny prakuror Andrej Švied u intervju BT.
Pa słovach Andreja Švieda, vyniki praviedzienych raskopak niekatorych miescaŭ masavaha źniščeńnia biełaruskich hramadzian pakazvajuć, što maštaby trahiedyi naroda na siońnia ŭ poŭnaj miery nieviadomyja.
«Nami ŭstanoŭleny źviestki pra jašče žyvych nacysckich złačyncaŭ, jakija ličylisia ŭ śpisach i brali ŭdzieł u dziejnaści karnych bataljonaŭ. U pieršuju čarhu litoŭskich bataljonaŭ SS i Armii Krajovaj. Zaraz rychtujucca adpaviednyja materyjały i budzie nakiravana daručeńnie ab akazańni pravavoj dapamohi ŭ hetyja dziaržavy dla taho, kab adpaviednyja pravaachoŭnyja orhany praviali z hetymi asobami (a jany jašče žyvyja, nam viadoma ich miesca žycharstva) pracesualnyja dziejańni ŭ ramkach kryminalnaj spravy ab hienacydzie», — dadaŭ Andrej Švied.
Jon nahadaŭ, što hienacyd nie maje terminu daŭnaści: złačyncy pavinny panieści adkaznaść.
Nahadajem, Armija Krajova — padpolnaja polskaja vajennaja arhanizacyja časoŭ Druhoj suśvietnaj vajny, jakaja dziejničała ŭ 1942-1945 hadach u miežach davajennaj terytoryi Polskaj dziaržavy. AK była asnoŭnaj arhanizacyjaj polskaha supracivu, jaki zmahaŭsia suprać niamieckaj akupacyi. Padparadkoŭvałasia polskamu ŭradu ŭ vyhnańni i viarchoŭnamu hałoŭnakamandujučamu polskich uzbrojenych sił.
Kamientary