Nikomu nie pazyčać i karystacca biaspłatnaj miedycynaj: finansavyja praviły dziaŭčyny z dachodam 7 000 rubloŭ

«U 18 hadoŭ prydumała sistemu i karystajusia joju dahetul»

— U 14 hadoŭ ja jašče nie viedała, kolki kaštuje chleb. A ŭžo ŭ 15 mnie pryjšłosia całkam vieści svoj biudžet — pačynajučy z kupli štanoŭ i zakančvajučy papaŭnieńniem zapasaŭ harbaty — tak skłałasia, što z-za vučoby ja rana pajechała ad baćkoŭ.

Spačatku my trochi pažyli sa starejšym bratam. Jon navučyŭ mianie piačy bliny, varyć sup, a jašče kłaści hrošy na telefon i sačyć za ličylnikami. Trochi paźniej jon pajechaŭ, ja zastałasia adna. Baćki davali mnie peŭnuju sumu, ale nijak nie kantralavali vydatki.

Pavialičyć

Viadoma, pieršy čas šmat traciła na prysmaki i čypsy, kuplała ŭsio, što kaliści ŭ siamji abmiažoŭvali (i pravilna rabili!). Časam da kanca tydnia nie chapała — zastavałasia na makaronie, ratavała tolki pryprava «15 u 1». Prykładna ŭ takim rytmie pražyła da ŭniviersiteta. U letnija kanikuły padpracoŭvała ŭ kramie. I na pieršyja zarobki kuplała sukienki, bilety na kancerty, niebłahuju kaśmietyku.

Biez dakładnaha płanavańnia ja žyła prykładna da 18 hadoŭ. Ale adnojčy, banalna prahulaŭšy ŭsiu stypiendyju za try dni, zadumałasia. Mnie stała škada ŭpustuju patračanych hrošaj. U toj momant ja prydumała sistemu, jakoj karystajusia dahetul.

Jana vielmi prostaja — uvieś biudžet raźmiarkoŭvajecca na miesiac. Jość try asnoŭnyja doli:

• abaviazkovyja vydatki (nie ježa) — kamunalnyja płaciažy, telefon, rasterminoŭki;

• ježa i drobnyja radaści — naprykład, pachod na branč ci bilecik u kino (ciapier heta 35 rubloŭ na dzień);

• maleńkija i vialikija žadańni — novaja sukienka, bilety ŭ adpačynak, masaž.

I kali ŭ pačatku miesiaca ja raźmiarkoŭvaju asnoŭnyja doli, u mianie zaŭsiody zastajecca jašče trochi, kala 5—10% ad usioj sumy. Hetyja hrošy ja adrazu ž adkładaju ŭ valucie. Tak farmujecca maja paduška biaśpieki.

Za 10 hadoŭ ja dvojčy ŭ jaje ŭlezła: kali zastałasia biez pracy i kali treba było apłacić vialiki štraf. Dla mianie hetaja suma niedatykalnaja. Ciapier u skarboncy krychu bolš za 6 tysiač dołaraŭ.

Dvojčy za ŭsio žyćcio ja zastavałasia biez pracy. U takija momanty ja mabilizavałasia, źmianšała vydatki na ježu, całkam prybirała błok «vialikija i maleńkija žadańni», varyła supy i pierabirała šafu. I starałasia nie siadzieć biez spravy — adrazu ž šukała padpracoŭki.

Pa vopycie mahu skazać, što takija situacyi vielmi aktyvujuć mozh i navyki kamunikacyi, prybirajuć usie strachi. Ja prosta išła i damaŭlałasia pra toje, pra što raniej mahła b pasaromiecca prasić.

Ja rablu ŭsio, kab kožny hod moj dachod padrastaŭ. Pracuju na poŭnuju staŭku, plus zaŭsiody adna-dźvie padpracoŭki. Zdaju babulinu kvateru. I kali ŭ 2018 hodzie ja zarablała prykładna 300 dołaraŭ za miesiac (ź ich pałova išła na apłatu pakoja), to ciapier za miesiac mnie na kartu prychodzić kala 6—7 tysiač rubloŭ.

Na što sychodziać hrošy

Kvatery ja nie zdymaju, žyvu z chłopcam u jaho adnušcy. Vydatki atrymlivajucca prykładna takimi.

Za hetyja 10 hadoŭ ja na ŭłasnym vopycie vyvieła niekalki pravił:

• dobra pracavać i dobra adpačyvać;

• nie zaležać ad adzinaj krynicy dachodu;

• navat kali dachod zusim nievialiki, adkładać chacia b pa 20—30 dołaraŭ;

• nikomu nie pazyčać hrošy i nie apraŭdvacca za heta;

• nie ekanomić na zdaroŭi — nijakich tannaj makarony i sintetyčnych škarpetak;

• prykładna pradumvać mieniu na tydzień i chadzić u kramu sa śpisam;

• hatavać doma, ale časam nie admaŭlać sabie ŭ kubku kavy i ovierprajs-kruasanie;

• raz u siezon pierabirać šafu, kuplać abutak z naturalnaj skury i jakasnyja daŭhaviečnyja rečy;

• jeździć na rovary z sakavika pa listapad, taksi vyklikać tolki ŭ samym krajnim vypadku;

• chadzić pa knihi ŭ rajonnuju biblijateku, a nie ŭ kniharni;

• karystacca biaspłatnaj miedycynaj — heta i analizy, i ahlady, i UHD;

• znajści svaje srodki dla dohladu, jakija idealna pasujuć, — i zakuplać ich vialikimi ŭpakoŭkami;

• dapamahać blizkim z praficytu — paradavać mamu, padkinuć kapieječku chreśnikam, kupić padarunak chłopcu tady, kali ŭ mianie sapraŭdy jość lišnija hrošy.

Pavialičyć

Dziakujučy takomu padychodu da 28 hadoŭ ja pahladzieła 22 krainy, kupiła ŭsiu patrebnuju mnie techniku, uklučajučy dobry smartfon i jakasnyja navušniki, sfarmavała padušku biaśpieki.

Pavialičyć

Patrochu dapamahaju baćkam i rychtujusia da novych vyklikaŭ: razam z chłopcam my marym pra kvateru bolšuju, zavodzim razmovy pra dziaciej.

Mnie vielmi chočacca źjeździć u niatannyja krainy, takija jak ZŠA, Aŭstralija, Niderłandy. Spadziajusia, z časam usie mety buduć dasiahnutyja.

• 11
• 0
• 0
• 6
• 1
• 0
• 0
• 0