Biełaruscy pryjšoŭ padatak za sabak — 714 rubloŭ. Čamu tak šmat?
Svaju žyroŭku žycharka Słonima vykłała ŭ Threads. Jak vyśvietliłasia, na jaje aficyjna zarehistravany 51 sabaka, pišuć «Mocnyja naviny».
Dziaŭčyna — vałanciorka, jana ratuje kinutych žyvioł i ŭtrymlivaje na vioscy bolš za sotniu katoŭ i sabak. Pavodle zakona, kali na praciahu miesiaca hadavancu nie ŭdajecca znajści dom, vałanciorka abaviazanaja zarehistravać jaho na siabie pa miescy prapiski.
U kamientarach vyśvietliłasia, što dziaŭčyna ŭ takoj prablemie nie adzinokaja: biełarusy pačali raskazvać pra padobnyja vypadki, dzie padatak vychodziŭ jašče bolšym. Mnohich heta aburyła — bo vałanciory pry adsutnaści dziaržprytułkaŭ dapamahajuć dziaržavie pa ratavańni žyvioł, ale zamiest padtrymki atrymlivajuć vielizarnyja rachunki.
Słanimčanka zaraz spadziajecca sabrać patrebnuju sumu praz achviaravańni.
Z hetaha hoda staŭki padatku na žyvioł vyraśli. Za zvyčajnaha sabaku treba płacić 14 rubloŭ u kvartał, a za patencyjna niebiaśpiečnuju parodu — 67 rubloŭ.
Biełarusy dzielacca, jak rehistrujuć svaich katoŭ. Voś jak adbyvajecca pracedura
Ci treba płacić padatak za katoŭ? Biełaruska raspaviała pra niečakany vizit milicyi
U Słonimskim rajonie da viadomaj vałanciorki čynoŭniki biez papiaredžańnia pryjšli paličyć sabak, jakich jana ŭtrymlivaje za ŭłasny košt
Jak ułady Minska zrazumiejuć, u kaho žyvuć niezarehistravanyja sabaki? Raźlik na nieabyjakavych susiedziaŭ
Padatak na sabak zrobiać abaviazkovym dla ŭsich ich uładalnikaŭ
Kamientary
Sobačkom, biespłatno, obzaviestiś, razriešieno tolko łukašienko, dla ostalnych - vojna...