Štučny intelekt moža być zdolny dyjahnastavać demiencyju za adzin dzień
Navukoŭcy teścirujuć sistemu štučnaha intelektu, jakaja, mahčyma, zmoža vyjaŭlać demiencyju pa vynikach adnakratnaha skaniravańnia mozhu. Vierahodna, takaja prahrama taksama sprahnazuje, jak dalej budzie źmianiacca stan pacyjenta.
Zaraz miedykam moža spatrebicca pravieści šerah analizaŭ i skaniravańniaŭ mozhu, kab dyjahnastavać demiencyju. Ale čym raniej čałavieku budzie pastaŭleny taki dyjahnaz, tym raniej pačniecca lačeńnie, a značyć, budzie bolš šansaŭ zapavolić raźvićcio demiencyi. Vierahodna, što tady jaje simptomy źjaviacca ŭ chvoraha značna paźniej, čym u vyniku adsutnaści lačeńnia, ci ich zusim nie budzie, piša VVS.
Prafiesar Zoi Korcy z Kiembrydžskaha ŭniviersiteta raspracavała sistemu, što moža dapamahčy z takoj svoječasovaj dyjahnostykaj. Jaje prahrama paraŭnoŭvaje vyniki skaniravańnia mozhu i miedycynskija zapisy pacyjentaŭ, u jakich moža być demiencyja, z danymi tych pacyjentaŭ, u kaho jana sapraŭdy jość. Ałharytm zdolny vyjavić takija charaktarystyki mozhu, jakija nie bačać navat lepšyja nieŭrołahi, i sumiaścić ich z vynikami z bazy danych prahramy.
Padčas dakliničnych ispytaŭ sistema prafiesara Korcy ŭžo pakazała zdolnaść dyjahnastavać demiencyju za šmat času da raźvićcia simptomaŭ. Pry hetym na skanach mozhu pacyjentaŭ nie było nijakich jaŭnych pryznakaŭ paškodžańnia mazhavych tkanak.
Zaraz prahrama projdzie ispyty ŭ šerahu brytanskich klinik, što śpiecyjalizujucca na prablemach źnižeńnia intelektu i demiencyi. Kali sistema pakaža dobryja vyniki, jaje možna budzie vykarystoŭvać u kliničnych umovach nie tolki dla pastanoŭki dyjahnaza, ale i dla prahnozu taho, jak budzie raźvivacca demiencyja.
Prakurorski načalnik aburyŭsia nieabhruntavanymi zatrymańniami biełarusaŭ8
Kamientary