Paśla skandalnaj karykatury «Minskaja praŭda» zastałasia biez hałoŭnaj redaktarki
Karykatura na pieršaj pałasie «Minskaj praŭdy» ŭ pačatku vieraśnia narabiła šmat šumu. Homielskamu vydańniu «Fłahštok» stała viadoma, što za hety vypusk haziety niesła adkaznaść Volha Sielaźniova, za što jaje pazbavili pasady hałoŭnaha redaktara vydańnia.
Karykatura aŭtarstva viciebčuka Antona Astroŭskaha, na jakoj chryścijanskija kryžy pieratvarajucca ŭ nacysckija svastyki, vyklikała abureńnie. Praź dzień paśla vychadu karykatury kiraŭniku MZS Makieju daviałosia sustrakacca z pradstaŭnikom Papy Rymskaha, arcybiskupam Ante Jozičam.
Hałoŭnym redaktaram «Minskaj praŭdy» na momant vychadu karykatury była Volha Anatoljeŭna Sielaźniova, mienavita jana była paznačanaja ŭ jakaści hałoŭnaha redaktara haziety ŭ dzień vychadu skandalnaj karykatury. Pryčym atrymała hetuju pasadu jana zusim niadaŭna — u žniŭni 2021 hoda. Da jaje ŭ lipieni 2021 hoda hałoŭredam značyłasia Łarysa Koršun. Vypusk, jaki rušyŭ za skandalnym, vyjšaŭ užo biez hałoŭnaha redaktara — u vychodnych danych numara źnikła Sielaźniova i jaje pasada. U ciapierašni čas vychodziać tolki šarahovyja publikacyi pad jaje aŭtarstvam.
Paraŭnańnie vychodnych danych haziety «Minskaja praŭda»: źvierchu numar sa skandalnaj karykaturaj, źnizu nastupny numar
«Fłahštok» patelefanavaŭ u redakcyju «Minskaj praŭdy»:
«Hałoŭny redaktar pakul nie ŭzhodnieny», — adkazaŭ hołas pa numary hałoŭreda.
Praŭda, paśla publikacyi ab źniaćci z pasady Volhi Sielaźniovaj tielehram-kanał vydańnia napisaŭ, što «jana sapraŭdy prachodzić uzhadnieńnie na pasadu hałoŭnaha redaktara, a ciapier časova vykonvaje jaho abaviazki», a «źjaŭleńnie abo adsutnaść jaje proźvišča, imia ŭ haziecie absalutna nie źviazana ź niečymi nieabhruntavanymi zdahadkami».
Volha Sielaźniova — siabra «Biełaj Rusi», dvojčy nazirała za vybarami i sama abirałasia ŭ deputaty Dobrušskaha rajonnaha savieta, była namieśnicaj staršyni Dobrušskaha rajvykankama Volhi Macharavaj, pracavała ŭ redakcyi «Homielskaj praŭdy», była hałoŭnym redaktaram rajonki «Dobrušski kraj» i hałoŭredam haziety «Homielskija viedamaści».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary