Bałkuniec pra situacyju z «Kamsamołkaj»: Kreml nie moža zaraz dziorzka vystupić, bo na konie «darožnyja karty»
Palitołah Dźmitryj Bałkuniec u intervju Deutsche Welle prakamientavaŭ situacyju vakoł «Kamsamolskaj praŭdy ŭ Biełarusi» i zatrymańnia jaje žurnalista Hienadzia Mažejki.
Palitołah ličyć, što rasijskaja źniešniaja palityka ihnaravańnia maštabnych parušeńniaŭ pravoŭ čałavieka i najaŭnaść palitviaźniaŭ u biełaruskich turmach užo nie spryjaje zbližeńniu dźviuch krain, pakolki «reputacyja Rasii ŭ Biełarusi padmočanaja».
I kali zatrymańnie žurnalista «Kamsamołki» i vyklikała burnuju reakcyju ŭ Rasii, to heta, na dumku eksperta, źviazanaje tolki z maštabam vydańnia.
«Kamsamolskaja praŭda», kažuć, — lubimaja hazieta Uładzimira Pucina, i jaje hałoŭny redaktar Uładzimir Sunhorkin karystajecca ŭ Kramli vialikaj pavahaj», - adznačyŭ Bałkuniec.
Adnak, pa słovach palitołaha, Łukašenka abraziŭsia biesstarońnimi vykazvańniami hałoŭnaha redaktara «KP» Uładzimira Sunhorkina jašče padčas vybaraŭ, i hetaja kryŭda zastałasia.
«Biełaruskija ŭłady sprabujuć źniščyć pracu «Kamsamołki» ŭ Biełarusi, chočuć padmiać jaje pad siabie», — upeŭnieny Bałkuniec. Ale ŭ rasijskaha boku pry hetym ruki źviazanyja. «Kreml nie moža ciapier dziorzka vystupić, bo na konie padpisańnie «darožnych kart», inakš sajuźnik pakryŭdzicca i admovicca što-niebudź padpisvać», — miarkuje Bałkuniec.
***
Žurnalist «Kamsamolskaj praŭdy» Hienadź Mažejka byŭ zatrymany 1 kastryčnika pavodle č. 3 art. 130 (raspalvańnie rasavaj, nacyjanalnaj abo relihijnaj varožaści abo roźni) i art. 369 (abraza pradstaŭnika ŭłady)
Heta zdaryłasia paśla taho, jak viečaram 28 vieraśnia byŭ apublikavany jaho artykuł z uspaminami byłoj adnakłaśnicy pra Andreja Zielcera, jaki zastreliŭ supracoŭnika KDB Dźmitryja Fiedasiuka ŭ svajoj kvatery na vulicy Jakuboŭskaha ŭ Minsku.
Sajt «Kamsamołki» ŭ Biełarusi byŭ zabłakavany ranicaj 29 vieraśnia pavodle rašeńnia Mininfarma.
Ciapier čytajuć
Deputat Kliševič staŭ kandydatam histaryčnych navuk z dysiertacyjaj pra razłažeńnie biełaruskaha kamsamoła ŭ časy «pierabudovy»7
Deputat Kliševič staŭ kandydatam histaryčnych navuk z dysiertacyjaj pra razłažeńnie biełaruskaha kamsamoła ŭ časy «pierabudovy»
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary