Śviatłana Cichanoŭskaja havaryła pa telefonie z Anhiełaj Mierkiel
Lidarka biełaruskaj apazicyi i kancler Niamieččyny abmiarkoŭvali situacyju ŭ Biełarusi i mihracyjny kryzis na miažy.
Mierkiel pačała razmovu sa słoŭ: «Heta dobraja mahčymaść pahavaryć, tamu što vy byli nie vielmi zadavolenyja majoj razmovaj z Łukašenkam».
Pavodle aficyjnaha paviedamleńnia na sajcie niamieckaha kanclera, Mierkiel adznačyła padtrymku Niamieččyny biełaruskamu demakratyčnamu ruchu i padkreśliła, što palityčnaje kiraŭnictva Biełarusi pavinna spynić represii suprać apazicyi i niezaležnych žurnalistaŭ, vyzvalić źniavolenych i ŭstupić u dyjałoh z hramadstvam, kab pieraadoleć kryzis šlacham spraviadlivych i svabodnych novych vybaraŭ.
Nahadajem, Anhieła Mierkiel 15 listapada praviała telefonnuju razmovu z Alaksandram Łukašenkam pa pytańniach mihracyjnaha kryzisu.
Cichanoŭskaja tady skazała: «Dyjałoh za śpinami biełarusaŭ nieprymalny. Heta nijakim čynam nie vyrašyć nivodny z kanfliktaŭ. Tolki poŭnaja źmiena palityčnaj situacyi ŭ krainie pryviadzie da paśladoŭna stanoŭčych vynikaŭ».
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary