Sud pa spravie ŭzłomu kampjutarnaj sistemy Minharvykankama zrabili zakrytym
U sudzie Zavodskaha rajona Minska 24 listapada pačałosia sudovaje raźbiralnictva pa «spravie ŭzłomu kampjutarnaj sistemy Minharvykankama». Fihurantami hetaj spravy vystupajuć palitźniavolenyja braty Kim i Alaksiej Samusienki, Pavieł Drozd i Ivan Andrušojć. Ich dziejańni kvalifikavanyja pavodle šaści artykułaŭ KK: č. 1 art. 350 (madyfikacyja kampjutarnaj infarmacyi), art. 352 (niepravamiernaje zavałodańnie kampjutarnaj infarmacyjaj), č. 1 art. 354 (vykarystańnie škodnych kampjutarnych prahram), č. 1 art. 342 (aktyŭny ŭdzieł u hrupavych dziejańniach, jakija hruba parušajuć hramadski paradak), art. 341 (psavańnie majomaści ŭ hramadskich miescach), č. 1 art. 13, č. 2 art. 293 (padrychtoŭka da ŭdziełu ŭ masavych biesparadkach). Spravu suprać palitviaźniaŭ razhladaje sudździa Žanna Chvojnickaja. Sud zrabili zakrytym, pryčyna — «u materyjałach kryminalnaj spravy ŭtrymlivajucca źviestki, jakija składajuć dziaržaŭnuju tajamnicu», paviedamlajuć pravaabaroncy.
Na łavie padsudnych adrazu čatyry palitviaźni, jakich trymajuć pad vartaj užo bolš za hod.
32-hadovaha zasnavalnika i člena Rady hramadskaha ruchu «Dzieja» Kima Samusienku zatrymali 3 listapada minułaha hoda pa padazreńni va ŭzłomie kampjutarnaj sistemy Minharvykankama (č. 2 art. 349 KK) i dziejańniach, jakija hruba parušajuć hramadski paradak, u Minsku z 9 žniŭnia (č. 1 art. 342 KK). Paśla žorstkaha pieratrusu, jaki supravadžaŭsia strełami ŭ domie i prymianieńniem fizičnaj siły, siłaviki zabrali ŭsiu techniku Kima i jaho žonki, zarehistravanuju palaŭničuju zbroju, hrošy, BČB-ściah, ściah Ukrainy, ukrainski pašpart žonki i inšaje.
Praz dva dni byŭ zatrymany i brat Kima — 33-hadovy Alaksiej Samusienka. Jon ekanamist, pracavaŭ u sietcy firmaŭ, jakija zajmajucca vyrabami z płastyku.
Taksama pa hetaj spravie byli zatrymanyja 35-hadovyja Pavieł Drozd i Ivan Andrušojć. Ivan bolš čym praz čatyry miesiacy źniavoleńnia ažaniŭsia ŭ SIZA sa svajoj dziaŭčynaj Sofjaj.
U čym ich abvinavačvajuć?
Pavodle źviestak śledstva, «u načny čas u kastryčniku i listapadzie minułaha hoda 35-hadovy mužčyna, znachodziačysia na techničnym paviersie budynka na vulicy Prytyckaha ŭ Minsku, z dapamohaj kampjutarnaj techniki šlacham parušeńnia sistemy abarony i vykarystańnia škodnaha prahramnaha zabieśpiačeńnia ažyćciaviŭ niesankcyjanavany dostup da infarmacyi, jakaja zachoŭvajecca ŭ kampjutarnaj sietcy Minskaha haradskoha vykankama. U vyniku nazvanych dziejańniaŭ fihurant zavałodaŭ zapisami kamier videanazirańnia, ustanoŭlenych u stalicy, z metaj nastupnaj publikacyi na roznych internet-resursach, u tym liku ŭ destruktyŭnych i ekstremisckich Telegram-kanałach.
Zhodna z materyjałami kryminalnaj spravy, abvinavačanyja z dapamohaj škodnaha PZ atrymali dostup da kampjutarnych sistem KUP «CIT Minharvykankama» i HUUS Minharvykankama, što paciahnuła za saboj parušeńnie narmalnaj pracy pradpryjemstvaŭ i dziaržorhanaŭ, a taksama hetyja asoby skapijavali i vydalili fajły roznych farmataŭ i ŭnieśli ŭ ich zahadzia iłžyvuju infarmacyju.
U chodzie rasśledavańnia kryminalnaj spravy dakładna ŭstanoŭlena, što ŭsie mužčyny sistematyčna prymali ŭdzieł u niesankcyjanavanych masavych mierapryjemstvach, jakija adbyvalisia ŭ Minsku sa žniŭnia pa listapad 2020 hoda, spałučanych z błakavańniem daroh i niepadparadkavańniem zakonnym patrabavańniam pradstaŭnikoŭ ułady. Śledstvam zafiksavana 10 faktaŭ ich udziełu».
Padčas praviadzieńnia pieratrusaŭ kanfiskavanyja rečavyja dokazy, u tym liku zarehistravanaja ahniastrelnaja zbroja «Tyhr», «Sajha-MK», «IŽ-54», patrony, broniekamizelka, kaski, miačy, radyjostancyi z harnituraj dla schavanaha našeńnia, ulotki z zaklikami da strajku i piratechnika.
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary