MZS RF apublikavaŭ prajekty dahavoraŭ Rasii z ZŠA i NATA ab uzajemnych harantyjach biaśpieki, paviedamlaje RIA «Naviny».
U pahadnieńni z NATA, u pryvatnaści, prapanujucca nastupnyja punkty:
— NATA abaviazvajecca vyklučyć dalejšaje pašyreńnie i dałučeńnie da aljansu Ukrainy;
— NATA admaŭlajecca ad viadzieńnia luboj vajennaj dziejnaści va Ukrainie, va Uschodniaj Jeŭropie, Zakaŭkaźzi, Centralnaj Azii;
— Rasija i NATA abaviazvajucca nie razhortvać rakiety siaredniaj i mienšaj dalokaści ŭ rajonach, adkul jany mohuć parazić terytoryju adzin adnaho;
— baki nie razhladajuć adzin adnaho ŭ jakaści praciŭnikaŭ i nie pavinny stvarać umovy, jakija možna rascanić jak pahrozu;
— baki abaviazvajucca mirna vyrašać usie sprečki i ŭstrymlivacca ad prymianieńnia siły.
Prajekt pahadnieńnia z ZŠA źmiaščaje nastupnyja punkty:
— Rasija i ZŠA nie vykarystoŭvajuć terytoryju inšych krain dla padrychtoŭki abo ažyćciaŭleńnia napadu adzin na adnaho;
— baki abaviazvajucca nie razhortvać rakiety siaredniaj i mienšaj dalokaści za miažoj i ŭ rajonach, adkul jany mohuć parazić celi na terytoryi inšaha boku;
— baki abaviazvajucca nie razhortvać jadziernuju zbroju za miažoj, pavinny viarnuć užo razhornutuju, a taksama likvidavać infrastrukturu dla razhortvańnia jadziernaj zbroi pa-za svajoj terytoryjaj;
— baki abaviazvajucca nie pravodzić vajennych vučeńniaŭ z adpracoŭkaj scenaryjaŭ prymianieńnia jadziernaj zbroi;
— baki abaviazvajucca nie padrychtoŭvać vajennych niajadziernych krain prymianiać jadziernuju zbroju.
Stołtenbierh: Rašeńnie ab Ukrainie i NATO prymuć tolki Ukraina i NATO
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro1
Kamientary