МЗС РФ апублікаваў праекты дагавораў Расіі з ЗША і НАТА аб узаемных гарантыях бяспекі, паведамляе РІА «Навіны».
У пагадненні з НАТА, у прыватнасці, прапануюцца наступныя пункты:
— НАТА абавязваецца выключыць далейшае пашырэнне і далучэнне да альянсу Украіны;
— НАТА адмаўляецца ад вядзення любой ваеннай дзейнасці ва Украіне, ва Усходняй Еўропе, Закаўказзі, Цэнтральнай Азіі;
— Расія і НАТА абавязваюцца не разгортваць ракеты сярэдняй і меншай далёкасці ў раёнах, адкуль яны могуць паразіць тэрыторыю адзін аднаго;
— бакі не разглядаюць адзін аднаго ў якасці праціўнікаў і не павінны ствараць умовы, якія можна расцаніць як пагрозу;
— бакі абавязваюцца мірна вырашаць усе спрэчкі і ўстрымлівацца ад прымянення сілы.
Праект пагаднення з ЗША змяшчае наступныя пункты:
— Расія і ЗША не выкарыстоўваюць тэрыторыю іншых краін для падрыхтоўкі або ажыццяўлення нападу адзін на аднаго;
— бакі абавязваюцца не разгортваць ракеты сярэдняй і меншай далёкасці за мяжой і ў раёнах, адкуль яны могуць паразіць цэлі на тэрыторыі іншага боку;
— бакі абавязваюцца не разгортваць ядзерную зброю за мяжой, павінны вярнуць ужо разгорнутую, а таксама ліквідаваць інфраструктуру для разгортвання ядзернай зброі па-за сваёй тэрыторыяй;
— бакі абавязваюцца не праводзіць ваенных вучэнняў з адпрацоўкай сцэнарыяў прымянення ядзернай зброі;
— бакі абавязваюцца не падрыхтоўваць ваенных няядзерных краін прымяняць ядзерную зброю.
Столтэнберг: Рашэнне аб Украіне і NATO прымуць толькі Украіна і NATO
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я4
Каментары