«Doŭha i ŭparta parušaŭ hramadski spakoj»: pačaŭsia sud nad žurnalistam Alaksandram Ivulinym
Praces nad palitviaźniem pačniecca siońnia ŭ 11.30 u sudzie Savieckaha rajona Minska (sudździa — Siarhiej Šaciła). Viadomamu spartyŭnamu žurnalistu, błohieru i futbalistu «Krumkačoŭ» inkryminujuć «arhanizacyju i aktyŭny ŭdzieł u hrupavych dziejańniach, jakija hruba parušajuć hramadski paradak» (č. 1 art. 342).
Alaksandr byŭ zatrymany 3 červienia nibyta za vyviešany ściah i pieršapačatkova atrymaŭ 30 sutak aryštu, adnak pa zakančeńni termina na volu nie vyjšaŭ, stała viadoma, što na jaho zaviedzienaja kryminalnaja sprava.
Pavodle SK, žurnalist sa žniŭnia 2020 pa sakavik 2021-ha na svaim jutub-kanale raźmiaščaŭ videa «z metaj viadzieńnia destruktyŭnaj dziejnaści, nakiravanaj na abvastreńnie napružanaści ŭ hramadstvie, stvareńnie niehatyŭnaj acenki dziejsnaj ułady i dyskredytacyi Biełarusi na mižnarodnaj arenie».
Akramia taho, Ivulin nibyta schilaŭ inšych da dziejańniaŭ, jakija hruba parušajuć hramadski paradak, i sam udzielničaŭ u ich, «doŭha i ŭparta parušajučy hramadski spakoj».
Taksama, pavodle śledstva, Alaksandr na maršach 23 žniŭnia i 27 vieraśnia 2020 hoda nibyta ruchaŭsia pa prajeznaj častcy i tym samym vyklikaŭ zboi ŭ pracy hramadskaha transpartu.
Minsktrans vystaviŭ pazoŭ 39 tysiač biełaruskich rubloŭ.
16:55
U aŭtorak na sudzie adbuducca sprečki bakoŭ.
«U hetym uvieś Iva». Siabry — pra samaha viadomaha spartovaha žurnalista Biełarusi Ivulina, jakomu dali 30 sutak
Zaŭziatary «Krumkačoŭ» padtrymali aryštavanaha žurnalista Ivulina, padniaŭšy biełyja arkušy ź ličbaj «25»
-
Chedłajnieram kancerta ŭ Minsku ŭ Dzień Pieramohi stanie Aleh Hazmanaŭ
-
Palitviaźnia Uładzimira Knihu treci raz buduć sudzić za «złosnaje niepadparadkavańnie» ŭ kałonii
-
Sieviaryniec: My nie pavinny być ružovymi poni i kazać, što my budziem hładzić pa hałavie tych samych kadebistaŭ albo śpiecnazaŭcaŭ, jakija bjuć ludziej
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca11
Kamientary